$ 447.4 € 477.55 ₽ 4.76
Умраға апарамын деп 100-ден астам адамды алдады деген күдікпен "Кәусар тревел" компаниясының басшысы ұсталды, - деп хабарлайды Tengrinews.kz тілшісі.
Медет Мұратбайұлы кіші қажылықты өтеуге ниет еткеннің әрқайсынан кемі 1 мың доллардан алған.
Полицейлер "Кәусар тревелдің" басшысына іздеу салып, Медет Мұратбайұлы Алматыдағы жалдамалы пәтерлердің бірінде ұсталды.
"Мекке мен Мәдина қалаларына жолдама алып, 50-ге жуық адамды алдаған туристік агенттіктің басшысы ұсталды. Аталған жайт бойынша ҚР ҚК 190-бабымен қылмыстық іс қозғалып, күдікті қамауға алынды", - дейді Шымкенттің Еңбекші ауданы полиция басқармасы тергеу бөлімінің бастығы Ерлан Ирбаев.
Қаңтарда қажылыққа кетуге тиіс азаматтар сол күйі Мекке мен Мәдинаға бара алмаған. Ал Алматыдан жолға шыққан 57 адамды турфирма Мәдинадағы жатақханаға тастап кеткен. Сондықтан қазақстандықтар өзге елде жатын орын мен тамаққа қосымша қаржы шығындап, қайтуға билетті де өз ақшасына сатып алған. Қазір "Кәусар тревелден" жолдама алғандар жаппай полицияға арыз жазып жатыр.
