«Сұлтанға лайық емессің деді»: Диана Скатова бар шындығын жайып салды (ВИДЕО)

Танымал тележүргізуші, блогер Диана Скатова Айнұр Илиясованың "Momski angime" атты подкастына берген сұхбатында өзінің сырларымен бөлісті, деп хабарлайды Skifnews.kz ақпарат порталы.

Жақында ғана тұрмыс құрған Диана өзінің жары Сұлтанмен қалай танысқандығын айтып берді. 

"Біздің махаббат хикаямыз жақында ғана басталды. Ал екеуміздің әріптес ретінде таныс болғанымызға 8 жылдай болған. Сол уақыт аралығында бір-бірімізге ешқандай сезім болған жоқ. Елдің тілегі де әсер еткен шығар. Тіпті өз әжем мен анам да Сұлтанды ұнатып, қосылуымызды қалаған екен. Тіпті Сұлтанның анасы да Сұлтаннан бұрын Диананы жақсы көріп қалдым", - деді. 

Десе де блогер жаман пікір қалдырушылардың сөздері көңіліне тигенін де жасырмады.

"Сұлтанға лайық емессің", "Ол сенің теңін емес", "Қайтесің Диананы кіп-кішкентай қап-қара қылып", дегендері де табылды. Мен таңқалдым. Дианадан да керемет қыз саған лайық. Білмеймін не болғанын қыздар көре алмай қалған шығар. Бірақ менің тарапыма ауыр жазып қойды. Бірақ ниеті түзу жандар шын жүректен бақыт тілеп жатты, - деді ол.