Елімізде алдағы үш күнде найзағай ойнап, жауын жауады

Қазақстанда алдағы үш күнде найзағай ойнап, жаңбыр жауады деп хабарлайды "Қазгидромет" РМК сілтеме жасаған KAZ.NUR.KZ.

Метеорологиялық болжамға сүйенсек, 24 тамыз бен 26 тамыз аралығында Қазақстанда күн суытып, жауын-шашын күтілуде.

Алдағы үш күнде еліміздің басым бөлігінде найзағай аралас жаңбыр мен ауа температурасының төмендеуі күтіледі.

Бұған дейін ауа температурасы 35…40°С-қа көтерілген аймақтарда термометр бағамы 20…30°С-қа дейін төмендейді.

Ал, еліміздің солтүстігі мен солтүстік-батысында найзағай аралас жаңбыр мен қатты жел болады деп болжануда. Ал, оңтүстік-шығыс облыстарда жауын-шашын болмайды.

Синоптиктердің сөзінше, еліміздің басым бөлігінде жауын-шашын күтіледі. Ал, орталық пен шығыс өңірлерде 25…35°С ыстық болып, демалыс күндері жауын-шашын болмайды.