ҚР Президенті Қазақстан халқы ассамблеясының жиырма бесінші сессиясын шақырту туралы өкімге қол қойды деп хабарлайды Ақорданың баспасөз қызметі.
Құжаттың толық нұсқасы мынадай:
1. Қазақстан халқы ассамблеясының жиырма бесінші сессиясы 2017 жылғы 26 сәуір күні Астана қаласында Бейбітшілік және келісім сарайында «Жаңғырудың негізі – тұрақтылық, бірлік, келісім» күн тәртібімен шақырылсын.
2. Қазақстан Республикасының Үкіметі Қазақстан халқы ассамблеясының жиырма бесінші сессиясын өткізуді ұйымдастыру жөнінде шаралар қабылдасын.
Айта кетейік, 2015 жылы ҚХА-ның құрылғанына 20 жыл толуына орай елімізде Ассамблея жылы деп бекітіліп, жыл бойы осы мерейтой аясында жүздеген іс-шара өткен болатын.