Сириядан ресейлік ұшақпен қайтқан 60 адамның арасында қазақстандықтар да бар

Сирияға гуманитарлық көмек жеткізген РФ ТЖМ-сының Ил-76 ұшағы, кері қайтарда елден кетуді қалаған 60 азаматты Мәскеуге алып келді, деп хабарлайы «Қазақстан жаңалықтары».

РФ ТЖМ Ұлттық дағдарыстық жағдайларды басқару орталығы бастығының орынбасары Олег Вороновтың мәлімдеуінше, «Ил-76» ұшағы Мәскеудің Домодедово әуежайына қонды.

Мәскеуге келгендердің арасында 42 Ресей азаматы, Қазақстан, Өзбекстан, Белоруссия, Украинаның 10 азаматы, сондай-ақ Сирияның 8 азаматы бар.

Ұшу кезінде РФ ТЖМ-сының құтқарушылары, психологтары мен дәрігерлері жолаушыларға барлық қажетті көмекті көрсетті. Жолаушылардың арасында 17 бала бар.