$ 447.4 € 477.55 ₽ 4.76
Қытайдың шығысындағы Фуцзянь провинциясының тұрғындары фермаға жақын маңнан лақты жұта алмай жатқан алып жыланды тауып алды. Фермерлердің пікірінше, питонның асқазаны жемтігін қорыта алмай, салдарынан құсып жіберген. Бұл туралы The Mirror порталы жазды.
Фермердің айтуынша, соңғы 3-4 күнде оның екі бірдей лағы жоғалған. Бірақ, ол жануарларды жылан жеген деп мүлдем ойламапты. Ұрыны іздеймін деп жақын маңдағы орманға барған фермер құсып жатқан питонды көргенде өз көзіне өзі сенбегенін айтады. Питонның ұзындығы 5 метрді құраған.
Куәгерлер түсірген бейнекадрларда жылан аузынан лақтың жарты денесі салбырап шығып жатқанын анық көруге болады. Жануардың өлі немесе тірі екені белгісіз. Ал, ауыл тұрғындары болса жыланды өлтірмей, оны бостандыққа қоя берді.
