Денсаулық 22.08.2019 сағат 14:15

Өлетін күніңді 10 жыл бұрын білуге болады - неміс дәрігерлері

Ғалымдар 18-109 жас аралығындағы 44 мың адамға зерттеу жүргізіп, өлім қаупін көрсететін 14 қан биомаркерін анықтаған.
Өлетін күніңді 10 жыл бұрын білуге болады - неміс дәрігерлері
Бөлісу
Бөлісу
Бөлісу

Неміс дәрігерлері адамның қашан өлетінін оның қан анализіне қарап анықтай алады, деп хабарлайды Sputniknews.kz ақпараттық порталы Макс Планк атындағы биологиялық қартаю институтының академиктеріне сілтеме жасап.

Ғалымдар 18-109 жас аралығындағы 44 мың адамға зерттеу жүргізіп, өлім қаупін көрсететін 14 қан биомаркерін анықтаған.

"Зерттеу жұмысы 2 жылдан 16 жылға дейін жалғасты. Осы уақыт аралығында экспериментке қатысқан 5 512 адам қайтыс болды. Ғалымдар олардың қан сынамасынан метаболиттік биомаркерлерді іздеді. Бұл көрсеткіштер тірі жүрген адамдардан жоғары болды. 14 биомаркер әртүрлі жастағы ерлер мен әйелдерден табылды", - деп жазылған хабарламада.

Бұл биомаркерлер иммуниттің, глюкозаның, қабынулар және тағы басқаның көрсеткіші болып отыр. Анализ жиынтығының қорытындысы алдағы 10 жылда адам өлетінін немесе өлмейтінін анықтауға көмектеседі. Зерттеу жұмысының нақтылығы – 83%.

Ғалымдар зерттеу қорытындысы науқасты емдеген кезде ескеріледі деген үмітте. Әзірше, дәрігерлер артериялық қан қысымы мен холестерин деңгейіне қарап адамның тек алдағы бір жылда өліп кету қаупін анықтай алады. Одан көп уақытқа болжам жасау ғалымдар үшін қиын мәселе болып отыр.

Оқи отырыңыз

загрузка...

Соңғы жаңалықтар

Қызықты материалдар