Атақты актер жан сақтау бөлімінде жатыр

Актер Олег Меньшиков шұғыл түрде ауруханаға жеткізілді, деп хабарлайды Sputnik, РИА Новостиге сілтеме жасап.

Ол Мәскеудегі ауруханалардың бірінде жан сақтау бөлімінде жатыр.

Оқиғаның нақты мән-жайы белгісіз. Меньшиковтың өкілдері ақпарат берген жоқ.

Ресейдің халық әртісі Олег Меньшиков 1960 жылы 8 қарашада туған. «Утомленные солнцем», «Кавказский пленник», «Сибирский цирюльник» және «Покровские ворота» сынды бірқатар фильмге түсті. 2012 жылдан бері М.Н. Ермолов атындағы драма театрының жетекшісі.