$ 443.85 € 474.3 ₽ 4.8
Ресейлік дәрігерлер кептірілген өрік, бұршақ пен балық жеу жүректі сақтауға көмектеседі деп мәлімдеді, деп жазады tengrinews.kz, РИА Новостиге сілтеме жасап.
Ұлттық медициналық профилактикалық медицина ғылыми-зерттеу орталығының мамандары майлы еттің орнына құс немесе балық пайдалану және кептірілген өрік, бұршақ және жаңғақты жеу жүрек жұмысына оң әсер ететіндігін анықтады. Жемістер мен көкөністерді күніне кемінде 400 грамм тұтыну керек екендігі баса айтылған.
Бірақ қантты, тәттілерді, кондитерлік өнімдерді және тәтті алкогольсіз сусындарды тұтынуды шектеу қажет. Себебі, олар – өте жоғары калориялы. Сонымен қатар, кілегей мен майлы сүзбеден бас тарту керек.
«Тамақтануда тепе-теңдікті сақтау – жүрек саулығына жасалатын алғашқы қадам. Ол адамға дененің барлық функционалды жүйелерінің қалыпты жұмыс істеуі үшін қажет және дененің қалыпты салмағын ұстап тұруға қажетті пайдалы заттармен қамтамасыз етеді», - делінген материалда.
29 қыркүйек күні бүкіл әлемде жүрек күні атап өтіледі. Дүниежүзілік денсаулық сақтау ұйымының мәліметтері бойынша, жүрек-қан тамырлары аурулары бүкіл әлемде өлімнің басты себебі болып табылады және жағдай жақын арада өзгеруі екіталай.
ДДСҰ 2030 жылы шамамен 20,6 миллион адам жүрек-тамыр ауруынан қайтыс болады деп болжайды.
