Денсаулық 12.03.2020 сағат 23:30

Дәрігерлерінің маскасын салтанатты түрде шешкен Қытай өз «миссиясын» орындап болды ма? (ВИДЕО)

Уханьда ашылған барлық уақытша ауруханалардың ішінде Учан соңғысы болып жабылды. Соңғы науқастар қалды. Олар да жақын арада босап, үйлеріне шығады.
Дәрігерлерінің маскасын салтанатты түрде шешкен Қытай өз «миссиясын» орындап болды ма? (ВИДЕО)
Бөлісу
Бөлісу
Бөлісу

Уханьда коронавирустық инфекция жұқтырған науқастарды қабылдау үшін ұйымдастырылған 14 уақытша аурухананың барлығы науқастар емделіп шыққан соң жабылды, деп хабарлайды Skifnews.kz ақпарат порталы, РИА Новостиге сілтеме жасап.

10 наурызда Ухань стадионында ұйымдастырылған «Учан» уақытша ауруханасының жабылу салтанаты өтті. Уханьда ашылған барлық уақытша ауруханалардың ішінде Учан соңғысы болып жабылды. Соңғы науқастар қалды. Олар да жақын арада босап, үйлеріне шығады.

Уханьда жаңа типті коронавирустың өршуіне байланысты бірқатар стадиондар мен көрме орталықтары уақытша ауруханалар ретінде қайта құрылды. Эпидемиологиялық жағдайдың жақсаруына және жұқтыру фактілерінің күрт азаюына байланысты ауруханалар жабыла бастады.

Соңғы ресми мәліметтерге сәйкес, індет ошағы – Хубэй провинциясында соңғы бір күн ішінде 17 инфекция жұқтырған адам тіркелді (барлығы да Уханьда), 1 152 адам емделіп шықты (Уханьда – 896), 17 өлім тіркелді (Уханьда – 16).

Эпидемия басталғаннан бері провинцияда 67 760 ауру жұқтыру оқиғасы анықталды (Уханьда – 49,965), 47 585 науқас сауығып кетті, 3024 адам қайтыс болды (Уханьда – 2,440). Қазіргі уақытта провинцияда 17151 адам ауырып жатыр, оның 4 701-нің жағдайы ауыр.

Соңғы мәліметтерге сүйенсек, Қытайда инфекция жұқтырғандардың саны 80 754 адамды құрады, 3146 адам қайтыс болды, 59 897-сі емделді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар