Алматыға шетелден келген қызға коронавирус диагнозы қойылды, деп хабарлайды Stan.kz.
«Алматыда тағы бір адамнан коронавирус анықталды. Бұл – 2008 жылы туған қыз, елге Германиядан ұшып келген. Қазіргі уақытта Алматыда 7 вирус жұқтырған адам анықталып отыр, ал екеуі – Нұр-Сұлтанда», - деді Денсаулық сақтау министрлігінің ресми өкілі Диас Ахметшәріп.
Айта кетейік, Денсаулық сақтау министрі Елжан Біртанов Қазақстанда коронавирус жұқтырғандардың саны 8 адамға дейін өскенін айтқан. Соңғы ақпаратқа сәйкес, енді Қазақстанда коронавирус жұқтырғандардың саны 9 адамға дейін жетті.