Енді ауруханаларда эпидемияға қарсы шаралар күшейтіледі. Себебі, қазір елімізде 370 медицина қызметкері коронавирус жұқтырған, деп хабарлайды Skifnews.kz ақпарат порталы.
Денсаулық сақтау вице-министрі Ләззат Ақтаеваның айтуынша, дәрігерге қаралатын науқастың кез келгені індет таратушы болуы мүмкін. Осындай қауіпті жағдайда жұмыс істеп жатқан 16 500 медицина қызметкерінің жалақысына үстемақы қосылды. Бұл мақсатқа жалпы құны 3 миллиард 200 миллион теңге бөлінген.
Тағы оқи отырыңыз: «100 мың адамға 7 науқастан келеді»: бүгін Қазақстанда коронавирус індеті шарықтау шегіне жетіп отыр
«Правизорлық стационарларда да бейнебақылау орнатылады. Медицина қызметкеріне жеке қорғаныш заттары беріліп, күн сайын денсаулығы тексерілуі қажет. Қорғаныш заттары тимесе, бас дәрігер жауап береді. Бастысы, дезинфекциялық режим қатаң сақталуы тиіс», - деді вице-министр.