Денсаулық 28.04.2020 сағат 20:15

Ақмола облысының Аршалы ауданында 100 жастағы қария коронавирустан жазылып шықты

Еліміздегі бұл ең қарт науқас осы жылы 5 мамырда 100-ге толады.
Ақмола облысының Аршалы ауданында 100 жастағы қария коронавирустан жазылып шықты
Бөлісу
Бөлісу
Бөлісу

Ақмола облысы Аршалы аудандық ауруханасының жұқпалы аурулар бөлімшесіне COVID-19 диагнозымен жатқызылған «Шапағат» әлеуметтік қызмет көрсету орталығының 27 қариясы жазылып шықты, деп хабарлайды ҚазАқпарат, Ақмола облыстық ішкі саясат басқармасына сілтеме жасап.

Ақмола облыстық денсаулық сақтау басқармасының мәліметінше, науқастарды емдеуде олардың бұрыннан ауырып келе жатқан жүрек-қан тамырлары және тыныс алу жүйесі сияқты аурулары біраз кедергі келтірген. Бұл науқастардың көпшілігі – қарттар, екінші топтағы мүгедектер, тоғызы – төсекке танылғандар. Тағы екеуі өкпе қабынудың асқынған түрімен ауырғандықтан, жағдайлары ауыр хәлде болды.

«Біздің дәрігерлер науқастарға ерекше қамқорлықпен қарады. Олардың тез сауығып кетуі үшін қолдан келгеннің барлығын жасады», - дейді жұқпалы аурулар бөлімшесінің дәрігері Виктор Шалаев.

Дәрігерлердің атап өтуінше, еліміздегі ең қарт науқас осы жылы 5 мамырда 100-ге толады. Ол осыдан бірнеше күн бұрын «коронавирус инфекциясының жеңіл түрі» диагнозымен ауруханаға жатқызылған болатын.

Айта кетейік, бүгінгі күні Ақмола облысында 60 адам коронвирустен жазылып шықты. Тағы 8 науқасты алдағы күндері шығару жоспарланған.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар