Денсаулық 10.06.2020 сағат 16:40

«Коронавирустан дені сау адамның өзі жатып қалуы мүмкін» - Сәуле Қисықова

Отбасылық мерекелер өткізу кезінде індет жұқтырғандар байқалды, бұған мүлдем жол беруге болмайды.
«Коронавирустан дені сау адамның өзі жатып қалуы мүмкін» - Сәуле Қисықова
фото: pixabay.com
Бөлісу
Бөлісу
Бөлісу

Коронавирустың таралуының басты ошағы отбасы болып отыр. Жаңа оқиғалардың көбеюі отбасылық індет ошақтарының үлесіне келіп отыр, деп хабарлайды Skifnews.kz ақпарат порталы, елорда әкімдігінің баспасөз қызметіне сілтеме жасап. 

Коронавирус таралуының негізгі ошағы отбасыдан екендігін айтқан Сәуле Қисықованың сөзінше, кейбіреулер өз денсаулығына күтім жасамаса да, жақындарын ойлауы керек.

фото: astana.gov.kz

«Инфекцияның жаңа ошақтары байқалады, бұл отбасылық ошақтар, күн сайын біз ауруды жұқтырған отбасының екі немесе кейде 5-7 мүшелерінен вирус анықтаймыз. Отбасылық мерекелер өткізу кезінде індет жұқтырғандар байқалды, бұған мүлдем жол беруге болмайды. Кейбір адамдардың санитарлық нормаларды сақтамаған жауапсыз әрекеттері кішкентай балалар, қарттар мен жүкті әйелдері бар отбасының барлық мүшелерінің жұқтыруына әкеліп соғады. Тіпті Covid-19 диагнозымен түскен жүкті әйелдің сәбиі де Covid-19-пен туған кездері болды. Балаларды аналарынан бөлек ұстауға тура келді. Егер кейбір адамдар өз денсаулығын күтпесе де, жақындарын ойлауы тиіс. Тәжірибе созылмалы ауруы жоқ, дені сау адамның өзі коронавирустан жатып қалуы мүмкін екенін көрсетіп отыр, ағза инфекциямен күресе алмаған соң жасанды желдеру аппаратына қосуға тура келді. Ешбір жағдайда өзін-өзі емдеумен айналысуға болмайды», – деді қоғамдық денсаулық сақтау басқармасының басшысы Сәуле Қисықова. 

Барлық инфекция жұқтырғандардың 75%-ы 18 бен 59 жас аралығындағы топқа келеді. Коронавирус пандемиясы басталғаннан бері Нұр-Сұлтанда 2543 адам инфекция жұқтырды: 34 науқастың жағдайы ауыр, оның 12-сі өте ауыр жағдайда, өкпені жасанды желдету аппаратына қосылған, 10 науқас індеттен көз жұмды. 1679 науқас (66 %) жазылып шықты.

Сәуле Қисықова санитарлық нормаларды қатаң сақтау керектігін атап өтті: аса қажеттілік болмаса адам көп жиналатын жерлерге бармау, қоғамдық орындарда маска киіп, арақашықтық сақтап және антисептик пайдалану керек. Коронавирус жұқтыру қаупі әлі жойылған жоқ.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар