Денсаулық 30.10.2020 сағат 03:42

Коронавируспен ауырған ерлердің бала туғызу қабілеті төмендейді

"COVID-19-бен ауырған жігіттердің басым көпшілігінде ұрық болмайды", - дейді дәрігерлер.
Коронавируспен ауырған ерлердің бала туғызу қабілеті төмендейді
фото: pixabay.com
Бөлісу
Бөлісу
Бөлісу

Пандемия кезінде елімізде демографиялық өсім азаюы мүмкін. Себебі, коронавирус инфекциясы ерлердің бала туғызу қарқынын бәсеңдетеді, деп хабарлайды Skifnews.kz ақпарат порталы, КТК арнасына сілтеме жасап. 

COVID-19-бен ауырған жігіттердің басым көпшілігінде ұрық болмайды дейді дәрігерлер.

Мәселен, Алматыдағы репродукциялық орталыққа келіп ем қабылдап жүрген үш жігіттің шауһаттары тартылып қалған. Өйткені үшеуі де бұған дейін коронавируспен ауырыпты. Алайда мамандар ерлердің ұрығы 75 күн сайын жаңарып отырады дейді. Сондықтан COVID-19-бен ауырғандар  үш айға дейін бала туғыза алмайды деген болжам бар.

 Ал коронавирусқа шалдыққан жүкті әйелдер арасында түсік тастау мен ерте босану жиілеген. Әлемдік статистикаға сүйенсек, инфекция жұқтырған жас аналардың 20 пайызы уақытынан бұрын босанған. Сондықтан осындай қиын кезеңде дәрігерлер бала сүюді жоспарламай қоя тұру керек дейді.

"Жас отбасы бала сүюді келесі жылға шегере тұрғаны абзал. Себебі, аяқ астынан коронавируспен ауырып қалса, қауіпті індет ұрпағына қалай әсер ететіні белгісіз. Ал 35-40-қа келіп қалғандарға жүктілікті шегерудің қажеті жоқ. Онсыз да жасы ұлғайып барады. Бірақ жеке бастың тазалығын сақтап, көшеге шықпай, қоғамдық орындарға бармай, сәби өмірге келгенше сақтанып жүру керек", - деді Репродуктивті медицина қауымдастығының президенті Вячеслав Локшин.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар