Ұлттық банк жанынан жаңа компания құрылды

Қазақстанның Ұлттық банкі "Баспана" ипотекалық компаниясын құрды деп хабарлайды реттеушінің баспасөз қызметі.

Қаржы реттеушісінің еншілес компаниясы "7-20-25" мемлекеттік бағдарламасының операторы қызметін атқарады. Бұл мемлекеттік бағдарлама Қазақстан президенті Нұрсұлтан Назарбаев бастамасымен қолға алынып, қазақстандықтарға арзан ипотекалық несие ұсынады.

Ипотекалық несиені келесі шарт бойынша ала аласыз: жылына 7% пайыздық үстеме, бастапқы жарна көлемі 20%, несиелеу мерзімі — 25 жыл.

Дереккөз: Sputniknews.kz