Қазақстанда автокөліктер арзандайды ма?

Оның айтуынша, кедендік баждың төмендеуі көлік бағасына қаншалықты әсер ететінін болжау әзірше мүмкін емес.

Қазақстанда автоөндіріс енді ғана жанданып келе жатқан тұста ДСҰ аясында импорттық кедендік баж бойынша келіссөздер аяқталып кеткен болатын. «Елімізді жеңіл автокөліктер өндірісі 2010 жылы біз бірыңғай кедендік тарифті 30 және импорттық бажды одан да жоғары мөлшерге бекіткен кезде қуатты серпіліс алды. Сосын ол тұста Еуропа елдері, АҚШ пен Жапония өздерінің нарығын тазарту үшін үшінші елдерге мінілген ескі көліктерді қаптата бастағандықтан, біз елімізге оларды әкелуге мүлдем тыйым салған едік. Бұл бір жағынан отандық өндірістің жандануына да оң әсер етті. Айта кетерлігі, сол кезде ДСҰ аясында бұл нарыққа қатысты келіссөздер тәмамдалып, біз оны қайта бастай алмайтын болғанбыз», - деп түсіндірді Жанель Күшікова.

Автокөлік саласы бойынша баж кедендік құнының 20-15 пайызы мөлшерінде қамтылады. «Әрине, бұл біздің отандық өндірісті дамыту үшін жеткіліксіз деңгей. Дегенмен, осы жылдар ішінде біз техникалық реттеу жүйелерін, түрлі стандарттарды реформалай алдық. Соған сәйкес, Кедендік одақ аясында техникалық регламентке сай келмейтін көліктер мен автокөліктер Қазақстанға импорттала алмайды. Осы арқылы біз өзіміздің тауар өндірушілерімізге қорғаныс тетігін жасайтын боламыз. Ал жалпылама келсек, отандық өндірісті қорғау бойынша кешенді шаралар қазір әзірлену үстінде. Бұл ретте ескі автокөліктерді нарыққа қаптатпас үшін салықтық жеңілдіктер, басқа да шектеу шаралары қолданылмақ», - деді департамент басшысы.