Экономика 10.09.2019 сағат 16:55

«1,5-2 есе»: отандық және шетелдік жұмысшылардың арасындағы жалақы теңсіздігі нақтыланды

Еңбек кодексіне сәйкес, ұлты мен азаматтығына қарамастан әрбір жұмысшыға бірдей жағдай жасалуы тиіс.
«1,5-2 есе»: отандық және шетелдік жұмысшылардың арасындағы жалақы теңсіздігі нақтыланды
Бөлісу
Бөлісу
Бөлісу

Қазақстандық және шетелдік жұмысшы арасындағы жалақы теңсіздігі 2 есеге жуықтайды Бұл туралы бүгін Үкімет отырысынан кейін ҚР Еңбек және халықты әлеуметтік қорғау министрі Біржан Нұрымбетов айтты, деп жазады bugin.kz.

«Бізде «М-Техсервис» ЖШС қазақстандық және шетелдік қызметкерлері арасындағы жалақыға қатысты теңсіздік туралы ақпарат жоқ. Дегенмен, бұл еліміз үшін үлкен тақырып болып тұр. Қазіргі уақытта бұған баса назар аударылуда. Бас прокуратура мен еңбек инспекциясы 63 кәсіпорынға тексеру жүргізіп жатыр», - деді Б.Нұрымбетов.

Министр аталған тексерудің кейбір деректерін БАҚ өкілдеріне жария етті.

«38 кәсіпорынға тексеру қазірдің өзінде аяқталды. Өкінішке қарай, 19-ында қазақстандық және шетелдік жұмысшы арасында жалақыға қатысты теңсіздік бар. Еңбек кодексіне сәйкес, ұлты мен азаматтығына қарамастан әрбір жұмысшыға бірдей жағдай жасалуы тиіс», - деді ол.

Осы орайда БАҚ өкілдері Біржан Нұрымбетовтен қазақстандық және шетелдік жұмысшы жалақысындағы айырмашылық қанша болғанын сұрады.

«1,5-2 есе», - деп қысқа қайырды министр.

Оқи отырыңыз

загрузка...

Соңғы жаңалықтар

Қызықты материалдар