Экономика 17.09.2016 сағат 07:12

Қазығұрттың 150 тонна жүзімі экспортталды

Бүгін Оңтүстік Қазақстан облысы баспасөз қызметінің ұйытқы болуымен республикалық және облыстық журналистерге Қазығұрт ауданындағы «Аманкелді» ЖШС-на пресс-тур  ұйымдастырылды. Осынау шара ел егемендігінің 25 жылдық мерейтойына орайластырылып отыр.

Бөлісу
Бөлісу
Бөлісу

Тілшілер онда шаруа қожалығындағы  жүзім алқабы мен бау шаруашылығымен танысып, ондағы жұмысшылармен сұхбаттасты.

Бүгінде 150 гектар алқапқа егілген жүзімнің күздік түрлері жиналып, рекордтық көрсеткішке қол жеткізуде. Осы күнге дейін жиналған өнімнің 150 тоннасы Ресейге жөнелтсе, басқа жемістердің 100 тоннасын шетелге экспорттаған. Күздік жиын-терім қызу жүріп жатқан шаруа қожалықта бүгінде 150 тонна жүзім, 100 тонна алма, 80 тонна қара өрік пен 80 тонна алмұрт асханалық-сортты жемістер жиналған. Жиналған өнімдер балғын түрінде күндегісі нарыққа саудалануда.

Жалпы ауданда 2266 гектар алқапқа бау-бақша өнімдері егілген болса, оның 500 гектары осы серіктестікке тиесілі.

Мұнан бөлек, шаруашылықта 2 мың тонналық жеміс-жидек пен көкөніс сақтайтын мұздатқыш қоймасы бар. Бүгінде Нұрлан Құралов басшылық етіп отырған «Аманкелді» ЖШС-не 3800 азамат маусымдық және тұрақты жұмысқа орналасқан.

Айта кетейік, биыл оңтүстікқазақстандық диқандар жылдағыдан қарағанда әлдеқайда мол өнім жинап жатыр. Әсіресе қауын-қарбыз бен жүзім, алма және көкөністер түрлері көп. Бұл өнімдердің бір бөлігі жергілікті тұрғындарға сатылса, қалғаны солтүстік облыстарға және көрші Ресейге тасымалдануда.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар