Экспо-2017 12.06.2017 сағат 04:55

ЭКСПО-ға ұзындығы 4 метрлік асық әкелінбек

ЭКСПО көрмесіне арналып 50 мың асықтан қаланған «алып» асықтың ұзындығы - 4 метр, ал биіктігі – 3 метр, деп хабарлайды Астана әкімдігінің медиа орталығы.

Бөлісу
Бөлісу
Бөлісу

Болат Тағабай - әлемдегі ең көп асық жинаған әрі ұлттық ойынды насихаттаушы ретінде әлемдік Гиннестің рекордтар кітабына енген қазақ. ШҚО-ның Тарбағатай ауданындағы Ырғызбай әулие мұражайының директоры. 

Автор алып асықты құрастыруға алты ай уақыт жұмсаған. Алдымен елу мың асықты жуып кептіруге екі ай, одан сым темірмен конструктор мүсінін тоқуға тағы екі ай кетті. Автор алып асығын алдағы күндері жұмыс сапарымен Өскеменге барғалы отырған Елбасыға сыйға тартуды көздеп отыр.

 - Өзімнің және отбасымның атымнан Елбасыға сыйға тартамын деп шештім. Алып асықты салтанатты түрде табыстаған соң Астанаға жеткізіледі. Әзірге оның нақты қай жерге орнатылаты белгісіз. Тек жабық ғимараттың ішіне қойылса игі. Сондай-ақ асықтың жанында суретке түсетін алаң мен асық ойнайтын шағын болса да алаңқай болса деген тілегім бар-, - дейді Б.Тағабай.

Оның айтуынша, елімізге келген шетелдік туристерге қазақтың ұлттық құндылықтарын паш ететін осындай дүниелер көп болу керек.

 - Алдағы үш айда дүйім жұрттың назары Астанаға ауады. Бұл қазақты әлемге танытудың бір жолы. Имидждік дүние деп атауға да болады. Алып асығым ЭКСПО-ға келген қонақтардың көзайымына айналады деп сенемін, - деді алып асықтыңавторы.

Айта кетейік, Б.Тағабайдың асық жинап бастағанына 16 жыл болған. Бүгінде оның қоржынында 100 мыңға жуық асық бар. Оның 50 мыңынан елордаға келгелі отырған алып асық құрастырылды. Бұл дегеніміз 25 мың қоймен пара-пар.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар