Экспо-2017 - Жаңалықтар. Қазақстанның жаңалықтары. Skifnews.kz ақпараттық портал

Экспо-2017

Келер жылы Астанада ЭКСПО-2017 Халықаралық көрмесі өтетіні белгілі. Бұл оқиға қазақ тарихына алтын әріптермен жазылып қалмақ. «Болашақ энергиясы» деген тақырыппен өтетін осынау маңызды шара баламалы энергия көздеріне және «жасыл» технологияларға арналған. Ұйымдастырушылардың айтуынша, осынау тақырып аясында Астанаға әлемнің ең үздік деген энергия өндірушілері жиналып, өз жетістіктерін ортаға салады. Ал, ғалымдар осы көрме аясында болашақтың энергиясын ойлап табуға күш салатын болады.

Астанада құрылысы жүріп жатқан EXPO-2017 Халықаралық көрмесінің алғашқы нысандары пайдалануға берілді деп жазады Tengrinews.kz.

Бүгін Астана қалалық әкімдігінде Бас Прокурор Жақып Асановтың төрағалық етуімен «EXPO-2017»халықаралық көрмесін өткізу кезеңінде қауіпсіздік пен құқықтық тәртіпті қамтамасыз ету жөніндегі сараптамалық жұмыс тобының отырысы өтті.

Жиналыс жұмысына Ішкі істер министрі Қалмұханбет Қасымов, Астана қаласының әкімі Әсет Исекешев, «Даму» Қоры АҚ тәуелсіз директоры Серікбай Бисекеев, «EXPO» ұлттық компаниясының басшылары, сараптамалық топтың мүшелері, «АstanaInnovations»  және «Аstana LRT»компанияларының өкілдері қатысты.

Отырыста Заңдылықты, құқықтық тәртіпті және қылмысқа қарсы күресті қамтамасыз ету жөніндегі үйлестіру кеңесінің нормативтік-құқықтық актілерді әзірлеуге, ұйымдастырушылық шаралар қабылдауға және халық арасында ақпараттық-түсіндіру жұмыстарын жүргізуге қатысты тапсырмалары мен ұсынымдарын орындаудың алдын ала нәтижелері талқыланды.

Үш ай ішінде сараптамалық топ белгілі бір жұмыстар атқарды. Бірқатар нормативтік құқықтық жобалар және көрменің қауіпсіздігін қамтамасыз ету мәселелері бойынша оларға енгізілетін түзетулер дайындалды.  «EXPO-2017» Сіздің қауіпсіздік жөніндегі гидіңіз» мобильдік қосымшасы бойынша техникалық тапсырма әзірленді. Халықаралық сарапшылардың консультативтік көмегі туралы уағдаластыққа қол жеткізілді.

Қабылданып жатқан ұйымдастырушылық шаралары шеңберінде антитеррористік оқулар, полицейлер мен профайлер мамандарды оқыту, өртке қарсы қауіпсіздіктің жай-күйін тексеру жүргізілді, «Құқық бұзу картасы» интернет-порталының техникалық жобасы әзірленді. А.ж. қарашасынан бастап көрме объектілеріне қол жеткізуді тіркеу жүйесі енгізілмек. Әуе кемелері мен аэровокзалды күшейту бойынша қосымша шаралар қабылданды.

Астанада қылмыстардың ай сайынғы тіркелуінің 20,5%-ға азаю динамикасы байқалады.

Отырыс барысында тәуелсіз сарапшы С.Бисекеев әлемнің дамыған қалалары үлгісінде елордадағы қауіпсіздік жүйесін жетілдіру бойынша идеяларымен және ұсыныстарымен бөлісті.

Отырыс қорытындысы бойынша Бас Прокурор сараптамалық топқа нормативтік актілер жобаларын әзірлеу сатысын аяқтау және оларды практикалық іске асыруға көшу жөніндегі жұмысты жандандыру қажеттігін ескертті. Барлық пайдалы ақпаратты басшылыққа алу қажеттігін атап өтті.

Естеріңізге сала кетейік, а.ж. 14 шілдесінде Заңдылықты, құқықтық тәртіпті және қылмысқа қарсы күресті қамтамасыз ету жөніндегі үйлестіру кеңесінің отырысы өтіп, онда ведомствоаралық өзара іс-қимыл мәселелері талқыланған және «EXPO-2017» көрмесін дайындау және өткізу барысында қауіпсіздікті қамтамасыз ету бойынша шаралар кешені қабылданған болатын.

ҚР Премьер-Министрінің орынбасары Иманғали Тасмағамбетов ЭКСПО-2017 көрмесіне дайындық және оны өткізу мәселелері бойынша кеңес өткізді деп хабарлайды primeminister.kz.

Оңтүстiк Қазақстан облысының туристiк ақпараттық орталығы «ЭКСПО–2017» халықаралық мамандандырылған көрмесiне барынша дайындалуда. Осы жылдың тамыз, қыркүйек айларында орталық мамандары Астана қаласында өткен тренингке қатысып қайтты. Сол жиында облыс атынан жаттықтырушылар мен үйлестiрушiлер тағайындалды. Астана iссапарының ерiктiлер жұмысын тиiмдi ұйымдастыруды үйренуге көмегi мол болды.

Бүгiнде республиканың әр облысындағы Жастар және туристiк орталықтар 150-ден астам ерiктiнi даярлап, ЭКСПО көрмесiне жiберуге әзiр. Әсiресе, студент жастар арасында ерiктiлер қатарын толықтыруға қызығушылық күннен-күнге артып келедi. Ел Тәуелсіздігінің 25 жылдығы қарсаңында «Астана ЭКСПО – 2017» ҰК» АҚ мен Оңтүстiк туризм орталығы бiрлесiп азаматтарға арнайы оқыту тренингтерi мен курстарын ұйымдастырмақ.

«ЭКСПО–2017» халықаралық көрмесiнiң қарсаңында облыста көптеген маңызды iс-шаралар өткiзу жоспарлануда. Солардың арасындағы ең айтулысы – халықаралық туристiк форум. Ауқымды шара барысында туристiк кәсiпорындар мен жергiлiктi бизнесмендер және түрлi ұйымдардың қатысуымен арнайы жәрмеңке өтедi. Онда аталған ұйым өкiлдерi туристiк бағыттағы өз тауарларын келушiлер назарына ұсынады. Сондай-ақ, өңiрдiң тарихи, мәдени, көрiктi аймақтары саналатын Түркiстан, Шымкент қалалары мен Ақсу-Жабағылы қорығына ақпараттық турлар ұйымдастырылады. Бұл Оңтүстiк Қазақстан облысы халықаралық «ЭКСПО–2017» көрмесiнде туристердi қабылдап, өңiрдiң көрiктi жерлерiн тамашалатуға әзiр екенiн бiлдiредi.

Айта кету керек, өткен жылы «ЭКСПО –2017» халықаралық көрмесiн насихаттау жұмыстары аясында облыста көптеген игi шаралар атқарылды. Соның iшiнде жол бойына 80 жалауша мен 76 жарнамалық билборд орнатылып, жергiлiктi «Қазақстан-Шымкент», «Арыс толқындары», «Elnur TV» және «Сәт» телеарналарынан көрме жайлы бейнеролик көрсетiлдi. Сонымен бiрге, көрме қонақтары үшiн 3-5 күндiк туристiк бағыттар әзiрленiп, «Recommended by EXPO» белгiсiн иелену үшiн «Астана ЭКСПО – 2017» ҰК» АҚ мен «Шымтур», «Саэль тур» және «Мирас» турфирмаларының арасында ынтымақтастық жөнiндегi меморандумдар түзiлдi. Сондай-ақ, өткен жылы өңiрлiк, республикалық және халықаралық деңгейдегi форумдар мен республикалық жәрмеңкелер, ақпараттық турлар және арнайы тренингтер ұйымдастырылды.

Қазiргi таңда облыста елiмiз үшiн маңызды iс-шараны насихаттау жолында 137 жоба iске асырылып, көрме жайлы халықтың таным-түсiнiгiн арттыру бағытында тиiстi жұмыстар жүргiзiлуде.

Жасұлан ТӨЛЕБЕКОВ,
«Ontustik Tourism Center» туристiк ақпараттық орталығының директоры.

 

Елiмiзде өтетiн «ЭКСПО–2017» халықаралық мамандандырылған көрмесi кезiнде «Отырар мемлекеттiк археологиялық қорық-музейi» Астана қаласында қойнауы тарихқа толы Қазақ өркениетiнiң алтын дiңгегi Отырардың тарихын көпшiлiкке насихаттау мақсатында көрме экспозициясын жасақтайды.

ЭКСПО көрмесіне келген шетелдік қонақтарды толықтай қонақ үймен қамтамасыз ету мүмкін болмағандықтан оларға ЖОО жатақханалары ұсынылуы мүмкін. Ондай болған жағдайда астаналық студенттер бірнеше айға өз бөлмелерін босатып беруге тура келеді. Бұл туралы бүгін қалалық әкімдіктің жанындағы Қоғамдық кеңес өткізген жиында айтылды.

Елорда да өткен халықаралық ту­ристік форумда «Астана ЭКСПО – 2017» ұлттық компаниясы» АҚ туризм департаментінің директоры Ален Шайжүнісов 4-11 қыркүйек аралығын­да Қазақстан бойынша ұйымдасты­рыл­ған ақпараттық турларға қатысты мәлімдеме жасады.

 «ЭКСПО – 2017» Халықаралық мамандандырылған көрмесіне дайындық және оны өткізу аясында, сонымен қатар, ел тәуелсіздігінің 25 жылдық мерейтойына орай, шетелдік туристік компаниялардың өкілдеріне Қазақстан Республикасының туристік потенциалы және «Астана ЭКСПО – 2017» көрмесімен таныстыру мақсатында бірнеше ақпараттық турлар өткізіледі.

Мемлекет басшысы «Қазақстан» павильоны құрылысының барысымен, сондай-ақ Конгресс-орталық ғимаратымен танысты. Бұл туралы Ақорданың баспасөз қызметі хабарлап отыр.

«Skifnews.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.

E-mail: info.skifnews@gmail.com

Сайтта жарнама орналастыру

   

Skifnews жаңалықтарын Facebook-те
оқу үшін "Нравится" белгісін басыңыз

  

 

Яндекс.Метрика

©2016 Skifnews.kz. Авторлық және жарнама құқықтар толығымен сақталады.

DivideGroup — сайт әзірлеуші