$ 448.15  483.46  4.86

Қасым-Жомарт Тоқаев Қазақстан Республикасының президенті болды

Конституцияның 42-бабына сай Қасым-Жомарт Тоқаев парламенттің бірлескен отырысында салтанатты түрде ант берді. 

«Қазақстан халқына адал қызмет етуге, Қазақстан Республикасының Конституциясы мен заңдарын қатаң сақтауға, азаматтардың құқықтары мен бостандықтарына кепілдік беруге. Қазақстан Республикасының президентінің өзіме жүктеген мәртебелі міндетін адал атқаруға салтанатты түрде ант етемін», – деді Тоқаев.   

Қасым-Жомарт Тоқаевтың сөзінен кейін Қазақстан Республикасының әнұраны шырқалды. 

Айта кетейік, 19 наурыз күні Нұрсұлтан Назарбаев өзінің Президенттік өкілеттігін тоқтататынын мәлімдеген болатын. 

Ел конституциясының 48-бабының 1-тармағына сәйкес, Қазақстан президентінің өкілеттігі мерзімінен бұрын тоқтатылғандықтан қалған мерзімде оның өкілеттігі парламент сенатының төрағасы Қасым-Жомарт Тоқаевқа көшеді. Ол бұл қызметті жаңа президент сайланғанға дейін атқарады.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары