ОҚО-да екі депутат төбелесіп, ауруханадан бір-ақ шықты - Жаңалықтар. Қазақстанның жаңалықтары. Skifnews.kz ақпараттық портал

ОҚО-да екі депутат төбелесіп, ауруханадан бір-ақ шықты

21.03.2017 09:27
ОҚО-да екі депутат төбелесіп, ауруханадан бір-ақ шықты time.kz

Оңтүстік Қазақстан облысы Түлкібас аудандық мәслихатының екі депутаты аудандық әкімдік ғимаратында бір-бірімен төбелесіп, екеуі де ауруханадан бір-ақ шықты. Қазіргі таңда іспен полицейлер айналысып жатыр деп жазады Қазақпарат.

ОҚО ІІД баспасөз хатшысы Салтанат Қаракөзованың айтуынша, бір-біріне қол жұмсаған түлкібастық депутаттарға қатысты Қылмыстық кодекстің 107 бабы «Денсаулыққа қасақана ауырлығы орташа зиян келтiрумен» іс қозғалып, тергеу амалдары жүргізілуде.

«17,18 наурыз күні Түлкібас аудандық ІІБ 1955 жылы туған жергілікті екі тұрғыннан бір-біріне қатысты екі арыз түсті. Қазір бұл арыздар құзырлы органда тіркеуге алынып, тергеу шаралары жүргізілуде. Бірқатар сот-медициналық сараптамалар тағайындалды», - деді С.Қаракөзова.

Дәрігерлердің айтуынша, қос депутат та орта дәрежеде жарақаттар алған. Екеуінің не үшін бір-біріне жұдырық жұмсағаны әзірге белгісіз.

Айта кетейік, Өтепбай Мәткәрімов кезінде аудан әкімінің орынбасары қызметін атқарса, Айтбек Меңлібеков біраз жылдардан бері «Ақсу-Жабағылы» қорығының директоры екені белгілі. Әзірге қос депутаттың не себепті төбелескені белгісіз күйінде қалып отыр. Оны тәртіп сақшылары анықтайтын болады.

«Skifnews.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.

E-mail: info.skifnews@gmail.com

Сайтта жарнама орналастыру

   

Skifnews жаңалықтарын Facebook-те
оқу үшін "Нравится" белгісін басыңыз

  

 


©2016 Skifnews.kz. Авторлық және жарнама құқықтар толығымен сақталады.

DivideGroup — сайт әзірлеуші