$ 449.58  486.94  4.86

ЭКСПО-2017 көрмесі ашылғалы бері Астанаға 1,9 млн қонақ келген

Вокзалдар, қонақ үйлер мен қаланың қоғамдық тамақтану орындары ұлғайған жүктемелерге шамалары жетуде, деп хабарлайды елорда әкімдігінің медиа орталығы.

Халықаралық мамандандырылған «ЭКСПО-2017» көрмесі ашылған күннен бастап Астанаға 1,9 миллионнан астам адам келген. Оның 680 195-і темір жолмен, 331 584 адам ұшақтармен, 846 692 автокөлік құралдарымен жеткен. Оның ішінде 1,2 млн турист, деп хабарлады елорда әкімдігінің медиа орталық тілшісіне «Астана Конвеншн Бюро» ЖШС директоры Санияр Айтекенов.

-Астана темір жолының жүктемесі 60% құрайды, күн сайын темір жолмен 16 мың адам келеді, негізгі максималды мүмкіндік 27,5 мың адамды құрайды. Әуежай жүктемесі 70%, күнделікті 7 мың адам ұшып келеді, ал максималды қабылдау мүмкіндігі 10 мың адам. Туроператорларға деген сұраныс өткен жылдың осы кезеңімен салыстырғанда 78%-ға артқан, - дейді С.Айтекенов.

Сонымен қатар елордалық қонақ үйлердің толуы 60%-ға өскен. (28% өткен жылдың осы кезеңінде). Үш тілде ақпарат беріп, материалдар тарататын 6 ақпараттық дүңгіршек құрылып, жұмыс істеп тұр.

-Туристік ақпараттық дүңгіршіктерге 3 266 турист жүгінген, бірыңғай call-орталықтан 375 адам ақпарат алған. Екі қабатты автобуспен экскурсия жасау қызметін 2,4 мың адам пайдаланған (1340 ересек, 564 жеңілдік билеттерімен), бұл өткен жылдың осы кезеңіне қарағанда екі есе көп. 12 елден келген - Австралия, Малайзиия, Сингапур, Словакия, Ресей, Әзірбайжан, Түркия, Германия, Қытай, Испания, Польша, Франция туристері 4013 адам аудиогидті пайдаланған, - деп жалғады сөзін Айтекенов.

Сонымен қатар, ресми туристік интернет-порталды- welcometoastana.kz қолданушылар саны 18 мың адамды құрады. Кірушілер саны 65 мың адам. "Welcome to Astana" мобильдік қосымшасын 1156 рет жүктеп алған (iOS – 592, Android - 564).

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары