Қазақстанның 18 миллионыншы тұрғынына 3 бөлмелі пәтер берілетін болды (ФОТО) - Жаңалықтар. Қазақстанның жаңалықтары. Skifnews.kz ақпараттық портал

Жаңалықтар. Қазақстанның жаңалықтары

Қазақстан, Қазақ, Жаңалықтар, Тіл, Қазақша, Қазақша жаңалықтар, Әдебиет, Телеарналар, Газеттер, Радиолар, Електронды бақ, Дін, Ақпарат, Билік , Хабар,Азаттық, Қаз ақпарат , жаңалықтар бүгінгі, жаңалықтар бүгінгі, жаңалықтар қазақстан, жаңалықтар 2015, жаңалықтар қазақша, бүгінгі жаңалықтар қазақша, қазақстан жаңалықтары, жаңалықтар кз, Қазақша жаңалықтар

05.07.2017, 09:01

Қазақстанның 18 миллионыншы тұрғынына 3 бөлмелі пәтер берілетін болды (ФОТО)

Тоқсаныншы жылдары күн тәртібінен түспеген демография мәселесі бүгінде оң шешімін тауып, Қазақстанның 25 жылдағы негізгі жетістіктерінің біріне айналып отыр. Тәуелсіздік алған жылдары Қазақстандағы қазақтардың саны жалпы халықтың 50 пайызына да жетпейтін еді. Ал қазір 75 пайызды алқымдап отырмыз. Елде туу көрсеткіші күрт өсіп, шет мемлекеттерде жүрген қандастарымыз туған жерге оралды. Осылайша, дәл бүгін қазақстандықтардың саны тура 18 миллионға жетіп отыр.

Дәл осы 18 миллионыншы тұрғын Алматы облысының орталығы Талдықорған қаласында дүниеге келді. Ата-әжесі оған Мүслима деп ат қойыпты. Жас ата-ананың қуанышымен бөлісуге облыс әкімі Амандық Баталовтың өзі Бестібаевтар әулетіне келіп, Елбасының құттықтауын жеткізді.

Мемлекет басшысының атынан нәрестеге арналған құрал-жабдықтар, атап айтқанда бесік, төсек, балалар арбасы, ойыншықтар секілді қажеттіліктерді сыйға тартқан облыс әкімі А.Баталов:

- Еліміздің он сегіз миллионыншы тұрғынының Алматы облысының орталығы Талдықорған қаласында дүниеге келгені – бәріміз үшін ерекше қуанышты оқиға. Демографиялық өсімінің жылдан жылға ұлғайып келе жатқаны халықтың Елбасымыздың салиқалы саясатына, Қазақстанның болашағына деген сенімінің зор екенін білдіреді. Жас ұрпақтың алаңсыз өсіп, білім алуына елімізде барлық жағдай жасалып келеді. Елбасының атынан, Жетісу жұртшылығының атынан осы айтулы оқиғамен шын жүректен құттықтаймын. Кішкентай нәресте аман-сау өсіп, ер жетіп, елдің абыройлы азаматы болсын! – дей келе, қалада күзге таяу пайдалануға берілетін жаңа тұрғын үйден жас отбасына 3 бөлмелі пәтер берілетінін жеткізді.

Муслиманың атасы Еркінбек Бестібаев пен әжесі Бибітай Жасыбаева кішкентай нәрестеге, жас отбасына, жалпы өз әулеттеріне көрсетілген үлкен құрмет пен сый үшін Президентке, облыс басшылығына ризашылығын білдірді.

- Муслима – біздің жетінші немереміз. Біз ұл-қыздарымыз бен немерелерімізді елге қызмет ететін, мемлекетіміздің дамуына өз үлесін қосатын білікті азамат етіп тәрбиелеуге бар күш-жұмсайтын боламыз, - деді Бибітай апа.

Сәбидің анасы Диана Омарханова 1991 жылы туған, қаладағы № 16 мектепте дефектолог маман болса, әкесі Бестібаев Самат 1982 жылы туған, № 5 мектепте дене шынықтыру пәнінің мұғалімі.

Айта кетсек, Қазақстан Республикасы Ұлттық экономика министрлігінің Статистика жөніндегі комитетінің мәліметі бойынша, 2017 жылдың 11 мамырында Қазақстан Республикасы халқының саны 18 млн.-ға жетіп, есеп бойынша Талдықорған қаласында туған Муслима Саматқызы 18 миллионыншы тұрғын атанған.

Пікір  

+ 0 Жақсылық 05.07.2017 09:42
Бақытты болсын, балапан. Бірақ тамаша есімі - Мүслимәны Муслима демесінші.
Жауап беру

«Skifnews.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.

E-mail: info.skifnews@gmail.com

Сайтта жарнама орналастыру

   

Skifnews жаңалықтарын Facebook-те
оқу үшін "Нравится" белгісін басыңыз

  

 


©2016 Skifnews.kz. Авторлық және жарнама құқықтар толығымен сақталады.

DivideGroup — сайт әзірлеуші