Жаңалықтар. Қазақстанның жаңалықтары

Қазақстан, Қазақ, Жаңалықтар, Тіл, Қазақша, Қазақша жаңалықтар, Әдебиет, Телеарналар, Газеттер, Радиолар, Електронды бақ, Дін, Ақпарат, Билік , Хабар,Азаттық, Қаз ақпарат , жаңалықтар бүгінгі, жаңалықтар бүгінгі, жаңалықтар қазақстан, жаңалықтар 2015, жаңалықтар қазақша, бүгінгі жаңалықтар қазақша, қазақстан жаңалықтары, жаңалықтар кз, Қазақша жаңалықтар


24.04.2019, 16:55

Түркістан облысында анимациялық фильмдер апталығы басталады

Түркістан облысы мәдениет және тілдерді дамыту басқармасының «Оңтүстікфильм» коммуналдық мемлекеттік мекемесінің ұйымдастыруымен «Ұлы дала ізімен» жобасы аясында Түркістан облысында түсірілген анимациялық фильмдер апталығы 22 сәуірден басталады, деп жазады Otyrar.kz.

Бұл апталықтың салтанатты ашылу іс-шарасы Ордабасы ауданында өтеді. Әрі қарай облысымызға қарасты барлық аудан-қалаларда өз жұмысын жалғастыратын болады.

Фильмдер апталығының мақсаты – Түркістан өңірінде түсірілген анимациялық фильмдерді көрсету арқылы өскелең ұрпаққа Елбасы мақаларында атап өткендей жан-жақты әрі сапалы тәрбиені тек кітаппен ғана емес, мықты тұлғаларымыз бен киелі жерлеріміз жайлы ақпар беріп тәрбиелеу, тарихымызды жаттату, ұлттық кодты қалыптастыру.

Бұл іс-шарада жақында ғана тұсауы кесілген қос анимациялық фильм көрсетілетін болады.

«Ордабасы – бірлік туы» анимациялық фильмі 2018 жылы Ордабасы тауындағы үш ел Президенттерінің тарихи кездесуіне және «Ордабасы» ұлттық тарихи-мәдени және табиғи қорығын» құру туралы Елбасы Жарлығының шыққанына 25 жыл толуына орай облыс әкімдігінің қолдауымен түсірілген.

Бұл фильмде ел қорғаған баhадүрлеріміздің ерліктерін суреттей отырып, елдің бірлігін көрсету арқылы Асылжан есімді балақайдың елін, жерін қорғауға деген ұмтылысын жас ұрпақ санасына сіңіруді көздейді. Оқиға желісінде қазақтың Төле, Қазыбек, Әйтеке билері бастап, Бөгенбай, Қабанбай, Наурызбай секілді батырлары қоштап, бүкіл ел бірігіп, шешуші айқаста ата жауын жеңген тұстары көрініс табады.

«Оқсыз оқиғасы» фильмінде әлемге «Екінші Ұстаз» ретінде белгілі болған Фараби ғұламаның алғаш дүниеге келгені, оның бала кезден білімге құштарлығы, жаңашылдыққа деген ұмтылысы сипатталады. Есейіп, жігіт болған кезінде жас Әбу Насырдың жинаған білімі өз елінің, өз шаһарының игілігіне жарап, көп жетістіктерге жетелейді. Сонымен қатар жас Фараби адалдық пен табандылықтың арқасында сарай маңының астыртын жауларын құрықтап, олардың теріс әрекеттеріне тосқауыл болады. Тарихи деректер бойынша Әбу Насыр әл-Фараби Түркістан өлкесіндегі көне Оқсыз қаласында дүниеге келген.

Telegram-каналға жазылып, бәрінен хабардар болыңыз!

Тағы да оқыңыздар:
Загрузка...
SN туралы      Жарнама

      info.skifnews@gmail.com

«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.