19.02.2018, 10:43

Қайрат Нұртасты әріптесі «ұры» деп айыптауда

Бауыржан Рахымбековтің айтуынша, Қайрат Нұртас оның әнін рұқсатсыз орындап жүр. Бірақ Қайрат та, анасы да бұл шағымға мән бермейді. Анасы әркімге пиар жасап беруден шаршағанын айтады.

Бұл туралы “Астана” арнасының “Ел аузында” бағдарламасында айтылды, деп жазады Stan.kz.

“Кейде біреулерге қара пиар керек болады. Шуласып, ән менікі десе ол адамның аты шығады. Өзім естіп отырып, жағамды ұстағанмын. Біреуден: “Біз қалай пиар жасаймыз?” деп сұраса: “Ол үшін Қайратқа тиісу керек”, – депті. Халықтың Қайратты жақсы көретінін біледі. Оған қатысты нәрсеге халықтың шулайтынын біледі. Сондықтан да көбісі Қайратқа тиісіп жататыны рас”, – дейді Айдарбекова.

“Оны білемін. Ол жағдайдың жалғасып келе жатқанына бірнеше жыл болды”, – дейді Айдарбекова.

Бірнеше жыл бұрын Бауыржан Рахымбеков түрік әншісі Сердар Ортачтың әнін қазақ тілінде орындауға бел буған. Сөйтіп ақын Құрманай Бақтиярқызына сөз жаздырып, көпшілікке ұсынды. Алайда Бауыржанның орындауында ән хит болмады. Арада бірнеше жыл өткен соң Қайрат аталған әнге тағы да Құрманай Бақтиярқызына сөз жаздырып алады.

“Бұл түріктің әні. Маған да ұнады. Кезінде Бауыржан Рахымбековке жазып бердім. Кейін Гүлзирадан ұсыныс түсті. Бұл әнді бірнеше адам айтып қойды деп оған ескерттім. Бірақ ол: “Әркімнің өз орындауы бар. Түріктің әні – ортақ ән. Көрейік”, – деді. Кейін Бауыржан Рахымбеков те Гүлзираға звондап сөйлескен. Бірақ ол: “Түріктің әні ғой. Біз де жазып көрейік”, депті. Шынында Бауыржан оны бір сазгерге апарып жаздырған жоқ”, – деп түсіндірді мәтін авторы Құрманай Бақтиярқызы.

Telegram-каналға жазылып, бәрінен хабардар болыңыз!

SN туралы      Жарнама

      info.skifnews@gmail.com

«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.

   

Skifnews жаңалықтарын Facebook-те
оқу үшін "Нравится" белгісін басыңыз

  

 

©2016-2018 Skifnews.kz. Авторлық және жарнама құқықтар толығымен сақталады.