10.08.2018, 18:25

Кубалық әнші: «Қазақстандық қыздар 25-тен асқаннан кейін өздерін кәрі қыз санайды»

Franky Rey тобының негізін қалаушы Франклин Рэйнел қазақстандық қыздар туралы пікірін айтты. Оның сөзінше, біздің бойжеткендер 25 жастан асқаннан кейін өздерін «кәрі қыз» санайды екен. Сөйтіп олар өзіне тән сұлулығын жоғалтып алатын көрінеді деп жазады Время газеті.

Франклин Рэйнел 2009 жылдан бері Қазақстанда өнер көрсетіп жүр. Айтуынша, кубалық топты елімізде тайларға және концерттер, корпоротивті кештерге шақыратындар көп екен. Тіптен репертуарларында Қайрат Нұртастың әндері де барын жасырмайды.

Қаншама қазақ тойларына шығып жүргенімен Франклин жергілікті менталитетті сол күйі түсіне алмапты. Ол қазақстандық қыздармен көңіл қоса алмауының себебін де осымен байланыстырады.

«Мұндағы қазақ, орыс, ұйғыр, украин қыздарының барлығы әдемі. Бірақ сіздерде менталитет өзгеше, маған түсініксіз. Сол себептен мен кубалық қыздарды таңдаймын», – дейді Франклин.

Оның ойынша, қазақ қыздары 25 жастан асқаннан кейін өздерін «кәрі қыз» санап, бойындағы бар сексуалдығын жоғалтып алады екен.

«Кубада қыздардың барлығы сексуалды. Олар ашық мінезді және үнемі көңілді жүреді. Бойында энергия көп. Кубалықтардың өмірге деген көзқарасы басқа. Ал бұл жақтың қыздары көбінесе сабырлы келеді. Үнемі ойланып жүретін сияқты. Олармен көңіл қоса қалсаң, бірден саған тұрмысқа шыққысы келеді. Ал бізде мүлдем басқа. Заңды некеге бармастан бұрын, бірінші бірге өмір сүріп көреміз. Біз өзіміз үшін өмір сүреміз. Ал сіздердің менталитеттеріңіз басқа. 25 жасқа толған қыз егер тұрмысқа шықпаса, онда ол өзін ешкімге керексіз сезінеді. Бойындағы сексуалдығын жоғалтып, өзін кәрі қыз сезіне бастайды екен», - дейді кубалық әнші.

Telegram-каналға жазылып, бәрінен хабардар болыңыз!

Тағы да оқыңыздар:
Загрузка...
SN туралы      Жарнама

      info.skifnews@gmail.com

«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.

   

Skifnews жаңалықтарын Facebook-те
оқу үшін "Нравится" белгісін басыңыз

  

 

©2016-2018 Skifnews.kz. Авторлық және жарнама құқықтар толығымен сақталады.