Роза Рымбаева: «Ең үлкен өкінішім – Тасқынның өмірден ерте кеткені»

Айтуынша, әнші күйеуі Тасқын Оқапов қайтыс болып кеткеннен кейін барлық ауыртпалықты өзіне алған. Екі ұлын аяғынан тұрғызу үшін жатпай-тұрмай еңбек еткен етіпті.

«Ең үлкен өкінішім – Тасқынның өмір­ден ерте кеткені. Ұлдары көбірек іздейді. Ұлдарының жігіт болғанын көрмегені – жанымды ауыртады. Қанша қиындық көрдім, қажымай-талмай еңбек еттім. Сол қиындықтың бәрінен өту керек болды. Алла да сүйген құлына сынақ береді екен. Бұл да маған берілген сынақ шығар», – дейді Роза Рымбаева.

Сондай-ақ, әнші өзінің өзге әріптестері секілді тоймен күн көріп отырмағанын жеткізді.

«Ал концерттік сахна – ең киелі дүние. Той-томалаққа құр­меттеп шақырса ғана барамын. Тоймен күн көріп жүрген әнші емеспін. Менің өнерімді жоғары бағалаған той иесі сол өнерім үшін ғана шақырады. Қиындық көрдім деп жа­сы­маймын. Асып-кеттім деп те тасымай­мын. Екі ұл тұрғанда әлі талай еңбек етуім керек. Со­лар үшін тырысамын, талпынамын. Бол­дым-толдым деген әртіс сонымен тоқтады деген сөз», – деді ҚР-ның Халық әртісі сұхбатында.