16.05.2018, 15:40

Павлодарда жүздеген үйді су алып кетті (ВИДЕО)

Көрнекі сурет

Екінші Павлодар мөлтек ауданының екі жүзге жуық тұрғыны үйлерін су басып қалғанына шағымданып отыр. Тұрғындардың айтуынша, елді мекендегі жаңбыр және жерасты суларын сорып, құрғатып келген насос станциясы үш жыл бұрын бұзылып, орнына коттедждер салынған.

"Содан бері ауламызға толып, үйдің қабырғалары дымқыл тартып кетті" деп шағымданады тұрғындар.

-Жағдай өте нашар. Бау-бақша су толы. Жер мүлде көрінбейді. Ауланы да су басқан. Ештеңе көрінбейді. Барлық жерде саз-батпақ, жап-жасыл. Үйдің ішінде қабырғалар, обоилар дымқыл. Зең басқан. Дем алу мүмкін емес. Едендер шіріп, құлап жатыр. Қабырғаларға, үйдің төбелеріне сызат түскен. Үйдің ішінде отыруға қорқамыз, - дейді тұрғындардың бірі Аня Глухова Азаттық тілшісіне.

Павлодар қаласындағы Алтайская, Запорожcкая, Днепропетровская, Якутская, Целинная, Демитрова және Таллинская көшелерінде тұрып жатқан екі жүзге жуық адам дәл осындай жағдайда тұрып жатыр. Олар жағдайдың денсаулықтарына теріс әсер етіп жатқанын, балаларының ауыра бастағанын айтады. "Қарапайым дәретханаға да бара алмай жатырмыз" дейді ашынған тұрғындар.

Тұрғындардың бірі Айнаш Сутбаеваның айтуынша, жергілікті билік дренаж жүйесін салуға шамамен 20 млн теңге ақша бөлінген, бірақ кейіннен бюджетке қайтарылған. Олар биліктен тезірек дренаж жүйесін салып беруді талап етіп отыр.

- Үйлеріміз бұзылып жатыр. Билік төтенше жағдай жарияламайды. Келтірілген шығынды өтеп беруден бас тартты. Екінші Павлодар бойынша барлық насос станциялары алынып тасталды. “Павлодар-Водоканал” олардың шаруашылық қиларға арналғанын айтты. Біз президенттен Екінші Павлодар тұрғындарына көмектесіп, дренаж жүйесін қайта қалпына келтіріп беруін сұраймыз, - дейді Айнаш Сутбаева.

15 мамырда тұрғындар Павлодар облыстық және қалалық әкімдіктеріне барғанмен оларды “алдын-ала жазылу керек” деп кіргізбей қойыпты. "Бармаған жеріміз жоқ, бәріне жаздық, енді не істейтінімізді білмейміз" деп отыр тұрғындар.

Азаттық тілшісі 16 мамырда Павлодар облыстық әкімдігі мен қалалық әкімдігіне хабарласқанмен жауап ала алмады.

Дереккөз: Азаттық

Telegram-каналға жазылып, бәрінен хабардар болыңыз!

Тағы да оқыңыздар:
Загрузка...
SN туралы      Жарнама

      info.skifnews@gmail.com

«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.

   

Skifnews жаңалықтарын Facebook-те
оқу үшін "Нравится" белгісін басыңыз

  

 

©2016-2018 Skifnews.kz. Авторлық және жарнама құқықтар толығымен сақталады.