$ 449.3  489.69  4.89

Ауғанстан астанасы Кабулда жарылыс болды

Ауғанстан астанасы Кабул қаласының орталығында жарылыс болды. Reuters.com-ның хабарлауынша, 7 адам көз жұмған.

Лаңкестік әрекет ауыл-аймақты дамыту министрлігі маңында болған. Бұқаралық ақпарат құралдарының мәліметінше, жанкешті өзін жарып жіберген. Ол министрлік қызметкерлерінің жұмыстан шығатын уақытын әдейі күтіп тұрған деген болжам бар. 

«Лаңкес әдейі біздің министрлікті көздеп келген сияқты, тура қақпаның алдына келіп, жарылыс жасады. Сол уақытта барлық қызметкерлер үйге қайтуға жиналып, сыртқа шыққан болатын»,-дейді министрлік өкілі Фрэйдун Ажанд.

Ал Саид Ашраф есімді Кабул тұрғыны жараланғандар арасынан ұлын іздеп жүр.

«Мен мұнда баламды іздеп келдім. Ол осы министрлікте жұмыс істейтін. Ауруханадан да таба алмадым. Уайымнан жаным жай таппай тұр», - дейді шарасыз әке.

Әзірге бұл әрекетті ешқандай террорлық ұйым мойнына алған жоқ. Іске қатысты тергеу жұмыстары жүріп жатыр.

Дереккөз: ҚазАқпарат

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары