22.08.2018, 09:11

Денис Теннің қазасынан соң 13 полицей жазаланды

Алматыда Денис Теннің өлімінен кейін ІІД-нің 13 қызметкері жазаланды деп жазады ҚазАқпарат.

19 шілде күні Алматыға жедел қызмет жұмысын тексеру үшін әрі алдын алу шараларын жүргізу үшін криминалды полиция департаментінің бастығы Арманбек Баймурзиннің басшылығымен ІІМ орталық аппаратының қызметкерлері мен өзіндік қауіпсіздік қызметі келген болатын. Қазаға қатысты жан-жақты  зерттеу жасау үшін Ішкі істер министрінің орынбасары Рашид Жакупов та Алматыға ат басын бұрған еді.

«ІІД-ге практикалық көмек көрсету әрі тексеріс кезінде қоғамдық тәртіп сақтауды қамтамасыз ету мәселелерінде шикіліктер байқалды. Қоғамдық орындарда құқық бұзушылықтың алдын алу шараларын бақылау барысында жергілікті полиция инспекторы жұмысынан кемшіліктер табылды. Қызметтік тергеу нәтижесі бойынша қалалық ІІД-нің 13 қызметкері қатаң жауапкершілікке тартылды, оның ішінде басшылықта отырған 3 қызметкер бар», - делінген Алматы қоғамдық кеңес сауалына берген  ҚР ІІМ орынбасары Жанат Сүлейменовтың жауабында.

Сондай-ақ, қалалық жергілікті полиция бастығы Ж.Байкенов пен Алмалы аудандық полиция бастығы С. Кумабеков қызметінен босатылған.  Бұдан өзге, Алматы ІІД-де  27 шілде күні ІІМ орынбасары Рашид  Жакуповтың төрағалығымен жедел кеңес отырысы өткен болатын.

Мұнда тексеру нәтижелері сарапталып, департамент қызметінің  мақсаты белгіленді. Яғни ашылмаған мүліктік қылмыстарды сапалы әрі толық зерттеу, мүлік ұрланған жерде іздеу шараларының белсенділігін күшейту, бұрын сотталушы ретінде есепте тұрған адамдарды анықтауда жылдамдық таныту міндеттері алға қойылды. ІІД мен аудандық ІІБ-да қылмысты зерттетумен айналысатын арнайы жедел тергеу тобы құрылды. Топ тегеурінді тергеушілерден құралған.

Telegram-каналға жазылып, бәрінен хабардар болыңыз!

Тағы да оқыңыздар:
Загрузка...
SN туралы      Жарнама

      info.skifnews@gmail.com

«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.

   

Skifnews жаңалықтарын Facebook-те
оқу үшін "Нравится" белгісін басыңыз

  

 

©2016-2018 Skifnews.kz. Авторлық және жарнама құқықтар толығымен сақталады.