Жаңалықтар. Қазақстанның жаңалықтары

Қазақстан, Қазақ, Жаңалықтар, Тіл, Қазақша, Қазақша жаңалықтар, Әдебиет, Телеарналар, Газеттер, Радиолар, Електронды бақ, Дін, Ақпарат, Билік , Хабар,Азаттық, Қаз ақпарат , жаңалықтар бүгінгі, жаңалықтар бүгінгі, жаңалықтар қазақстан, жаңалықтар 2015, жаңалықтар қазақша, бүгінгі жаңалықтар қазақша, қазақстан жаңалықтары, жаңалықтар кз, Қазақша жаңалықтар

25.10.2018, 10:54

Түркістан облысында оқ тиген аудан әкімі орынбасарының оқиғасына қатысты деректер шықты

Түркістан облысында аудан басшысының орынбасарын атып кетті. 8 жылдан бері Төлеби ауданы әкімінің орынбасары боп қызмет ететін Рәбиға Бейсебаеваны қарулы топ тура есігінің алдында басынан атқан. Шенеунік қазір ауруханада жатыр деп хабарлайды «КТК» телеарнасы.

Оқиға Төлеби ауданына қарасты Момынай ауылында болған. Рәбиға Бейсебаева жұмысынан 10 шақырым жердегі осы ауылда тұрады екен. Күндізгі бірлер шамасында түскі асын ішу үшін жеке жүргізушісімен үйіне келеді. Осы кезде есік алдында тұрған 3 жігітті көреді. Олармен амандасып есікті аша бергенде артынан бірнеше рет оқ атылған. Көршілері әкім орынбасарының үйінің маңында бәзбіреулер бірнеше күннен бері жүргенін айтады.

«Қара мерседеспен келді шамасы. Көршілер 4-5 күн бұрын осы жерді 2 жігіттің торуылдап жүргенін айтты», - дейді көршісі Қарашаш Оспанова.

Жарақат алған шенеунікке жедел-жәрдемді де көршілері шақырыпты. Ал екі баласы бар Рәбиға Бейсебаеваның күйеуі үлкен ұлымен бірге Астанаға кеткен екен. Сондықтан үйінде ешкім болмаған. Жақындары жарақаттанып қалғанын естіген олар түнделетіп ұшып келіпті.

«Біз біреумен ұрысысып таласқан отбасы емеспіз. Атқан 22-23 жастағы жас жігіттер дейді. Біреуінің қолында тапаншасы бар деп айтады», - дейді Р.Бейсебаеваның күйеуі Еркін Бейсебаев.

53 жастағы әйелге дұшпандық жасау кімнің ойына келгенін туыстары да, әріптестері де білмейді. Соңғы бір жылда Төлеби ауданындағы мәдениет, білім мен ішкі саясат саласына жауапты болған Бейсебаеваның өзі тілшілермен тілдескісі келмеді. Дәрігерлердің айтуынша, денсаулығына ешқандай қауіп төніп тұрған жоқ.

«Бас сүйегінің жанама жарақаты. Теріні жанап өткен. Сүйек бәрі аман», - дейді Леңгір қалалық ауруханасының бас дәрігері Жандар Нышанов.

Сөйтіп, нақты қандай қарудан атқаны әзірге беймәлім. Белгілісі екі күдікті Тараз қаласынан ұсталыпты. Оларға «өлтіруге оқталу» бабымен қылмыстық іс қозғалды. Ал бірер күннен кейін ауруханадан шығарылатын шенеуніктің қызметіне қашан оралары белгісіз. Анығы сол, Рәбиға Бейсебаеваның жағдайынан соң қорқып қалған әріптестері енді әкімдік қызметкерлерінің қауіпсіздігін күшейтуді ойластырмақшы.

Telegram-каналға жазылып, бәрінен хабардар болыңыз!

Тағы да оқыңыздар:
Загрузка...
SN туралы      Жарнама

      info.skifnews@gmail.com

«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.