$ 443.85 € 474.3 ₽ 4.8
19 қазан мен 26 қазан аралығында Елордаға 174 вагон немесе 12059 тонна көмір жеткізілді, деп хабарлайды Астана қаласы әкімдігінің ресми сайты.
Бүгінгі күнгі жағдай бойынша «көмір сатылатын жерде» көмірдің жалпы қоры – 10515,37 тоннаны құрайды. Оның 64 вагон немесе 4443 тонна Шұбаркөл маркасының көмірі, 56 вагон немесе 3859 тонна Майкөбе, 26 вагон немесе 1808 тонна Қаражыра, 22 вагон немесе 1529 тонна Кузнецкий, сондай-ақ 6 вагон немесе 420 тонна Богатырь маркасының көмірі.
Көмір түрлері мынадай бағада сатылуда: Шұбаркөл - тоннасына 13500-13600 теңге, Қаражыра - тоннасына 14000 теңге, Майкөбе - тоннасына 12000-12500 теңге, Богатырь көмірі - тоннасына 8500-9500 теңге, Кузнецкий – тоннасына 12000-12500 теңге,
Астана қаласының отын-энергетикалық кешені және коммуналдық шаруашылық басқармасы баға өсімінің алдын алу үшін көмір сатушылармен меморандумдарға қол қойды.
Астана қаласы әкімдігі көмір нарығындағы жағдайды күн сайын бақылап және үнемі қадағалайды. «I-Kөмек 109» негізінде тұрғындарға арналған жедел желі құрылды. Бүгінгі күні көмір нарығында жағдай қалыпты, проблемалық мәселе жоқ.
