Жаңалықтар. Қазақстанның жаңалықтары

Қазақстан, Қазақ, Жаңалықтар, Тіл, Қазақша, Қазақша жаңалықтар, Әдебиет, Телеарналар, Газеттер, Радиолар, Електронды бақ, Дін, Ақпарат, Билік , Хабар,Азаттық, Қаз ақпарат , жаңалықтар бүгінгі, жаңалықтар бүгінгі, жаңалықтар қазақстан, жаңалықтар 2015, жаңалықтар қазақша, бүгінгі жаңалықтар қазақша, қазақстан жаңалықтары, жаңалықтар кз, Қазақша жаңалықтар

30.10.2018, 15:21

​Абаев интернетті бұғаттауға қатысты пікір білдірді

mic.gov.kz

Ақпарат және коммуникациялар министрі Дәурен Абаев Үкімет кулуарында Қазақстанда әлеуметтік, табиғи және техногендік сипаттағы төтенше жағдай кезінде интернетті бұғаттау қаулысына қатысты пікір білдірді деп жазады Baq.kz.

28 қазан күні Қазақстан үкіметі арнайы қаулы шығарып, Бас прокуратура, Ұлттық қауіпсіздік комитеті, Ішкі істер министрлігі мен Қорғаныс министрлігіне интернетті бұғаттау құқығын берген болатын. Қаулыға сәйкес, аталған мемлекеттік органдар өкілетті органмен өзара әрекет ете отырып, «әлеуметтік, табиғи және техногендік тұрғыдан төтенше жағдай болғанда» үкімет мен президент байланысынан басқа интернет пен байланыс жүйесін тоқтатуға құзыретті.

«Халықты төтенше жағдай туралы құлақтандыру мәселесі ең жоғары деңгейде қалып отыр. Бұл жерде априори байланысты өшіруде емес. Әңгіме бұл туралы емес. Халықтың дүрлігуіне жол бермес үшін мұндай шешімді қандай да бір комиссия қабылдайтын болады. Әріптестер, мен тағы да айтамын, біз өте көп қаулы қабылдаймыз. Оған қоса біз әзірлеуші емеспіз», - деді министр.

Журналистер Абаевтан қаулыда көрсетілген «әлеуметтік сипаттағы төтенше жағдайдың» не екенін сұрады. Министр бұл сұрақты тізімде көрсетілген мемлекеттік органдарға жолдаған дұрыс деді.

«Қаулы жарияланса, бұл мәселеде қатаң логика бар деген сөз. Тізімде біздің министрлік болмағандықтан, нені меңзеп тұрғанын толығырақ сұрап-білуім керек. (...) Су тасқыны болса, байланыс мүлдем жойылады деген нәрсе емес. Бұл жерде тек сондай мүмкіндік беріледі деп тұр. Арнайы радиоарналар жұмыс істеп тұрады. Сондықтан адамдарға су тасқыны болып жатыр деп хабарланады», - деді министр.

Ақпарат және коммуникациялар министрі техникалық жағынан интернетті бір ғана қалада немесе бір облыста бұғаттау мүмкін екенін айтты. Сондай-ақ мұндай шаралар су тасқыны кезінде желіде түрлі видеолардың таралмауы үшін қолға алынбағанын мәлімдеді.

Сөз соңында министр кешке дейін «фейсбукта» осы мәселеге қатысты пікір қалдыратынын айтты.

Telegram-каналға жазылып, бәрінен хабардар болыңыз!

Тағы да оқыңыздар:
Загрузка...
SN туралы      Жарнама

      info.skifnews@gmail.com

«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.