06.11.2018, 17:01

Астанада тағы да екі жүкті әйел көз жұмды

Астанада өткен аптада екі жүкті әйел қайтыс болды деп хабарлайды қоғамдық денсаулық сақтау басқармасы.

31 қазанда 30 жастағы әйел өз үйінде көз жұмған. Ол мерзімі жетпестен босанып қойған екен.

«Сот-медициналық сараптамадан кейін әйелдің туа біткен бас ми-қан тамырлары патологиясы бар екені анықталды. Алайда, одан бұрын ауруы жайында еш білмеген», – дейді қалалық әкімдікте өткен брифингте қоғамдық денсаулық сақтау басқармасы директорының орынбасары Әлия Рүстемова.

Екінші қайғылы жағдай 4 қарашада болды. №2 перианталды орталыққа 38 жастағы әйел ес-түссіз күйінде түсіпті.

«Әйелді құтқарып қалу үшін барлық медицина қызметкерлері жұмылдырылды. Өкінішке қарай ол қайтыс болып кетті», – дейді Рүстемова.

Оның айтуынша, әйелдің жүктілігі жоспарлы түрде болмаған және тұрғылықты мекені жоқ болып шығыпты. Жүктілігі бойынша ешқандай тіркеуде тұрмаған. Тіпті, туысқандарынан жүкті екенін жасырыпты. Өйткені тұрмыста болмаған және жиі пәтер ауыстырып келген.

Акушер-дәрігер Иван Коркан сәбидің жатырда шетінеп кеткенін айтады.

«Әйел үш күн бойы ауыр хәлде үйінде жата берген. Жүктілігін тоқтату үшін және ауырсынуды басатын дәрілер ішкен. Сөйтіп бала әйелдің ішінде қайтыс болып, денесі бөлшектене бастаған. Әйел перзентханаға өте ауыр жағдайда түсті», – дейді акшер-дәрігер Иван Конкан.

Айта кетсек, Астанада жыл басынан бері 7 жүкті әйел қайтыс болды. 21-25 маусым аралығында 31 және 34 жастағы әйел №1 перианталды орталықта көз жұмған болатын. Бір апта өткеннен кейін тағы бір әйел қайтыс болды. 16 шілдеде №2 перианталды орталықта төртінші жүкті әйел о дүниелік болып кеткен. Ал қыркүйекте №1 перианталды орталықта тағы да осы оқиғаның қайталанғаны хабарланды.

Дереккөз: Sputniknews.kz

Telegram-каналға жазылып, бәрінен хабардар болыңыз!

Тағы да оқыңыздар:
Загрузка...
SN туралы      Жарнама

      info.skifnews@gmail.com

«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.

   

Skifnews жаңалықтарын Facebook-те
оқу үшін "Нравится" белгісін басыңыз

  

 

©2016-2018 Skifnews.kz. Авторлық және жарнама құқықтар толығымен сақталады.