$ 448.15  483.46  4.86

Шымкентте 16 жастағы жеткіншек газдан уланып көз жұмды

Шымкентте газдан уланған 16 жастағы жасөспірім көз жұмды. Қайғылы жағдай бүгін түнде қаладағы мөлтекаудандардың біріндегі көпқабатты үйде болған деп жазады ҚазАқпарат.

Облыстық газ таратушы мекеменің хабарлауынша, бүгін түнгі сағат 02:49-да кезекші бөлімге пәтерлердің бірінен жасөспірімнің иістен уланып қалғаны жөнінде хабарлама келіп түскен.

Оқиға орнына түнгі сағат 3:22-де жеткен авариялық бригада қызметкерлері пәтердің лоджиясынан 2003 жылғы өлі жасөспірімді тапқан.

Үйді қарау барысында су жылытқыш пешінің қосулы тұрғаны және одан газдің иісі шығып тұрғаны белгілі болды.

Мамандар сондай-ақ пәтердің лоджиясына су жылыту пешінің талаптарға сай емес етіп қойылғанын анықтады. Қазіргі таңда қайғылы жағдайдың себеп салдары анықталып жатыр. 

 

 

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары