$ 447.4 € 477.55 ₽ 4.76
Атырау облысында жол апаты болып, екі адам қаза тапты, тағы алтауы зардап шекті деп жазады ҚазАқпарат.
«Атырау-Ақтау» автожолында «Лада Гранта» және «Ниссан» автомашиналары соқтығысқан. Дәрігерлер оқиға орнына жеткенше екі адам – ерлі-зайыпты қаза тапқан. Түрлі дәрежедегі жарақаттар алған тағы алты адам Мақат ауданындағы Доссор кентінің ауруханасына жеткізілді.
«Оқиға бойынша ҚР Қылмыстық кодексінің 345-бабының 4-бөлігіне сәйкес сотқа дейінгі тергеп-тексеру амалдары жүріп жатыр. Бірнеше сараптама белгіленді», – деп мәлім етті Атырау облыстық Полиция департаментінің баспасөз қызметінен.
