07.12.2018, 11:10

Түркістан облысында пошта қызметкері қомақты ақшаны алып қашып кеткен

Түркістан облысында пошта қызметкері ірі көлемдегі ақшаны заңсыз иемденіп, қашып кеткен деп хабарлайды облыстық ПД баспасөз қызметі.

«29 қараша күні  Отырар аудандық полиция бөліміне пошталардың бірінен қатынас хат келіп түскен. Онда мекеменің бір қызметкері бөтеннің ақшасын заңсыз иемденіп, белгісіз бағытқа бой тасалағаны айтылған. Аталған жайт Отырар полиция бөлімінде тіркеліп, сотқа дейінгі тергеу амалдары басталды. Қызметкерлерден құралған жедел тергеу тобы оқиға орнына келіп, мекеме қызметкерінің жалақыға бөлінген 3 800 000 теңге ақшаны алып кеткенін анықтады», – делінген хабарламада.

Тәртіп сақшыларының жедел іздестіру шараларының нәтижесінде күдікті Тараз қаласынан ұсталды. Тергеп-тексеру барысында айғақ зат ретінде ұрланған ақшаның бір бөлігі, яғни 1 миллион теңгесі тәркіленді. Қалған ақшаны ол өз қажетіне жаратып жіберген. Күдіктіден қолхат алынып, үйіне жіберілген. Қазіргі таңда сотқа дейінгі тергеу амалдары жүргізілуде.

Дереккөз: ҚазАқпарат

Telegram-каналға жазылып, бәрінен хабардар болыңыз!

Тағы да оқыңыздар:
Загрузка...

Error: No articles to display

SN туралы      Жарнама

      info.skifnews@gmail.com

«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.