$ 449.58  486.94  4.86

Қостанайда екі адамға ыс тиіп ауруханаға түсті

Қостанай ауданында екі адамға ыс тиіп, ауруханаға түсті деп хабарлайды облыстық ТЖД баспасөз қызметі.

Оқиға Қостанай ауданының Майалап ауылында болған.

«Жеке тұрғын үйде қатты отынмен пешті дұрыс қолданбау салдарынан екі ер адам уланды. Олар бірден ауруханаға жеткізілді», - деді облыстық ТЖД баспасөз хатшысы Уәлихан Досанов.

Ведомство өкілдері жылыту пештері мен электр жабдықтары талапқа сай болуы тиіс екенін деп атап өтті.

«Жылыту пештерінің алдында қаңылтыр парақшалар болуы керек. Үй-жайларды жылыту үшін электр жылыту құралдары пайдаланылады. Соның ішінде қолдан жасалған пештер үнемі қауіпсіз емес. Сымдардың оқшауламасы тұтануы әбден мүмкін. Сондықтан электр жылытқышты пайдалану кезінде барынша сақ болу керек. Арнайы зауыттардан шыққан пештерді қолдану ұсынылады. Үйден шығар кезде оларды сөндіріп отырған дұрыс»,- деп ескертеді мамандар.

Дереккөз: Қазақпарат

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары