Барак Обама халқымен қоштасу рәсімінде жылап қалды (ВИДЕО) - Жаңалықтар. Қазақстанның жаңалықтары. Skifnews.kz ақпараттық портал

Барак Обама халқымен қоштасу рәсімінде жылап қалды (ВИДЕО)

11.01.2017 11:53

АҚШ басшысы Барак Обама президенттік мерзімінің аяқталуына байланысты Чикаго қаласында халықпен рәсімін өткізді. Ол өз қызметінен кетуіне еш өкінбейтінін, Ақ үйді көтеріңкі көңіл-күймен тастап бара жатқанын да мәлімдеді деп жазады CNN.

Президент өкілеттігі Дональд Трампқа өтетінін айтқан сәтте жиылған жұрт наразылықтарын білдірді. Алайда, Обама елді басқару жүйесінде соншалықты өзгерістің болмайтынын айтып, халықты тыныштандырды.

Обама сондай-ақ, Ресей мен Қытайды АҚШ-тың бәсекелесі екенін айтты. Алайда, Мәскеудің де, Бейжіңнің де әлемдегі ықпалы Вашингтонмен салыстыруға да келмейтінін жасырған жоқ.

Трибунада тұрып, әйелі Мишель Обамаға алғысын айтқан сәтте президент көз жасына ерік берді.

"Соңғы 25 жылда сен менің әйелім және балаларымның анасы ғана болып қойған жоқсың, сондай-ақ, ең жақын досым бола алдың. Мен сені мақтан тұтам. Сенімен бүкіл ел мақтанады", - деді Б.Обама.

Естеріңізге салайық, 20 қаңтардан бастап АҚШ-ты Дональд Трамп ресми түрде басқаратын болады.

«Skifnews.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.

E-mail: info.skifnews@gmail.com

Сайтта жарнама орналастыру

   

Skifnews жаңалықтарын Facebook-те
оқу үшін "Нравится" белгісін басыңыз

  

 


©2016 Skifnews.kz. Авторлық және жарнама құқықтар толығымен сақталады.

DivideGroup — сайт әзірлеуші