"Каспий банктен" ұрланған ақшаның орнын банк өз есебінен жабады - Жаңалықтар. Қазақстанның жаңалықтары. Skifnews.kz ақпараттық портал

Жаңалықтар. Қазақстанның жаңалықтары

Қазақстан, Қазақ, Жаңалықтар, Тіл, Қазақша, Қазақша жаңалықтар, Әдебиет, Телеарналар, Газеттер, Радиолар, Електронды бақ, Дін, Ақпарат, Билік , Хабар,Азаттық, Қаз ақпарат , жаңалықтар бүгінгі, жаңалықтар бүгінгі, жаңалықтар қазақстан, жаңалықтар 2015, жаңалықтар қазақша, бүгінгі жаңалықтар қазақша, қазақстан жаңалықтары, жаңалықтар кз, Қазақша жаңалықтар

24.08.2017, 10:27

"Каспий банктен" ұрланған ақшаның орнын банк өз есебінен жабады

Алматы облысы Талғар ауданындағы "Каспий банк" бөлімшесінен ұрланған қаражаттың орнын банк өз есебінен жабатын болды. Бұл туралы қаржы компаниясының баспасөз хатшысы Ербол Азанбек өзінің Facebook-парақшасында мәлімдеді.

Оның айтуынша, банктен тоналған қаражат сомасы бұған дейін БАҚ беттерінде жарияланғандай 60 миллион емес 40 миллион теңгені құрайды екен.

"Қылмыстың қалай жасалғаны туралы видеоны бәріңіз көрдіңіздер. Ақпарат таратуда біз барынша ашық болдық және ары қарай да ашықпыз. Банк құқық қорғау органдарына қажетті мәліметтің бәрін берді. Іздеу жұмыстары жүргізілуде. Табылады деп сенеміз", - деп жазды Е.Азанбек.

Ол сондай-ақ, қылмыскерлер туралы ақпарат бергендерге 5 миллион теңге сыйақы тағайындалғанын да мәлімдеді.

"Қолды болған қаражат толықтай банктің өз есебінен жабылады. Біз үшін ең маңыздысы – клиенттер мен қызметкердің өмірі мен денсаулығы. Клиенттер болмаған, ал қызметкерлеріміз аман-есен. Қалғаны орны толатын нәрселер. Басымыз бүтін, деніміз сау болсын!" - дейді банктің баспасөз хатшысы.

Естеріңізге салайық, 22 тамыз күні таңертең суық қаруланған екі адам Талғардағы банк бөлімшесіне шатыр арқылы еніп, екі қызметкердің аяқ-қолын байлап, ірі көлемдегі қаражатты қолды қылған болатын. Күдіктілер әлі ұсталған жоқ.

Медиа

«Skifnews.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.

E-mail: info.skifnews@gmail.com

Сайтта жарнама орналастыру

   

Skifnews жаңалықтарын Facebook-те
оқу үшін "Нравится" белгісін басыңыз

  

 


©2016 Skifnews.kz. Авторлық және жарнама құқықтар толығымен сақталады.

DivideGroup — сайт әзірлеуші