ОҚО-да мұнай ұрлаумен айналысқан қылмыстық топ ұсталды, өңірдің ірі шенділері де қамалуы мүмкін

23.11.2017, 08:57

ОҚО-да мұнай ұрлаумен айналысқан қылмыстық топ ұсталды, өңірдің ірі шенділері де қамалуы мүмкін

Ұйымдасып мұнай ұрлағандардың тағы бір тобы Оңтүстік Қазақстан облысында қолға түсті. Бұл жолы да құбырды тесіп, қара алтынға қарық болғандарды ұстау үшін арнайы операция жүргізілген. Ұлттық қауіпсіздік комитеті, полиция мен прокуратураның біріккен жасағы құрықтау шарасын бір мезетте бес жерді өткізіпті. Миллиардтар айналып жатқан қылмысқа құқық қорғау органдарының шенді өкілдерінің де қатысы болуы мүмкіндеп мәлімдеді КТК телеарнасы.

Құқық қорғау органдары әдетте арнайы операциядан соң бұлайша жеделтетіп ақпарат бермейтін. Бұл жолы іс-шара аяқтала сала тілшілерді шақыртыпты. Мұнай құбырын тесіп қара алтынды ұрлап келгендерді жарты жылға жуық бақылап, бүгін жаппай ұстаған пқұқық қорғаушылар мұнайға қырғидай тиген 13 адамды ұстағандарын айтты.

Прокуратураның мәліметінше, құбыр тесуге арналған құрал-сайманынан бөлек тіпті цистерна жалғанған жүк көлігі бар қылмыстық топ Созақ, Ордабасы аудандары мен Шымкент аумағынан өтіп жатқан «Павлодар-Шымкент» мұнай құбырынан шикізат ұрлапты. Ал қара алтынды оңай олжалауды жыл басында бастаған.

Қылмыстық топтың қаншалықты залал келтіргенін әзірге нақты айту, әрине, мүмкін емес. Ұрланған мұнайдан бөлек, құбыр мен табиғатқа келген зиян тағы бар. Ал жоғары қысымда тұрған құбырдан өрт шықса тіпті адам шығыны да болуы мүмкін еді. Ұсталғандардың арасында сол мұнай өтіп жатқан құбырды күзетуі тиіс «КМГ-Секьюрити» компаниясының бірнеше қызметкері бар екен. Олар ұрланған мұнайды ОҚО-дағы 3 асфальт зауытына және өзге облыстарға сатып келген.

Ұрланған мұнайды еш қымсынбастан алып келген асфальт зауытының әзірге бір директоры шатылып жатыр. Жалпы, ұсталған 13 адамның әзірге 5-уі қамауға алынып, тергеу жүргізілуде. Үш бап бойынша қылмыстық іс қозғаған арнайы прокуратура енді ұлттық қауіпсіздік комитетімен бірге келтірілген шығын көлемін есептеп жатыр. Ұзақ уақыт ешқандай үрейсіз қылмыс жасап келген топқа  құзырлы мекеме өкілдерінің де қолдау көрсетуі мүмкін деген күдік бар. Сондықтан  қылмыстық топ мүшелерінің саны әлі де артуы ықтимал.

«Skifnews.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.

E-mail: info.skifnews@gmail.com

Сайтта жарнама орналастыру

   

Skifnews жаңалықтарын Facebook-те
оқу үшін "Нравится" белгісін басыңыз

  

 


©2016 Skifnews.kz. Авторлық және жарнама құқықтар толығымен сақталады.

DivideGroup — сайт әзірлеуші