12.04.2018, 11:08

Қарағандыда 2 жыл бұрын 10 млрд теңгеге салынған жолдардың жартысы жүруге жарамсыз болып қалды

Қарағандының асфальті қардан да ерте еріп жатыр. Жолдың жаңа деген аты болмаса, заты ұқсамайды. Екі жылға да шыдамады. Қыруар қаржының қар суымен бірге шайылып жатқанын билік өкілдері де растаған деп мәлімдеді 31-арна тілшілері.

Бұл жолдармен көлікпен емес, жаяу жүрудің өзі қауіпті дейді жергілікті тұрғындар. Аз ғана уақыттың ішінде әбдегн шұрық тесігі шыққан асфальтті төсеуге жергілікті билік кезінде миллион емес, миллиардтап қаражат жұмсаған екен.

Шұрық жолдардан дөңгелектері жарылып, көліктерін жиі жөндететінін жүргізушілер ашына айтады. Жанар-жағармай бағасының өскеніне де көндіккен азаматтар билік өкілдерінен ең құрығанда сапалы асфальттың салынуын сұрайды. Азаматтардың бұлай сөйлеуіне негіз жоқ емес. Өйткені екі жылға жетпей қаладағы онға жуық көше жолдарының сау тамтығы қалмаған. Мәселен, 2017 жылы он миллиард теңгеден астам ақша жұмсалған 98 учаскенің 28 500 м2 құрайтын жолы қайта жөндеуді қажет етеді. Оның ішінде бес көше жолдары, бір айналма жолы мен жол өткелі де бар.

Ал жылда жолдардың сапасын қадағалаймыз деуден шаршамайтын атқамінерлер жолдардың 50 пайыздан астамы жарамсыз күйде екенін жасырмайды. Сондықтан жөндеуді биыл да өткізетін болды. Бірақ бұл жолғы жұмыстар мердігер компанияның әуелгі берген үш жылдық кепілдемесі аясында жүргізіледі дейді.

"Сәтпаев көшесін біз 2016 жылы жөндедік. Қазір сау жері жоқ. Мұндағы жағдайға қарасам, 30 жыл жөндеу көрмеген деп айтуға болады", - дейді облыс әкімі Ерлан Қошанов.

Жол төсеніштерінің сапасыздығын шенеуніктер битум, яғни шайыр мен асфальттың қоспасын дұрыс жасамағаннан болуы мүмкін деп болжайды. Дегенмен тозығы жеткен жолдарды арнайы мамандар әлі де зерттейтін болады.

Telegram-каналға жазылып, бәрінен хабардар болыңыз!

Пікір қалдыру үшін әлеуметтік желі арқылы кіріңіз

SN туралы      Жарнама

      info.skifnews@gmail.com

«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.

   

Skifnews жаңалықтарын Facebook-те
оқу үшін "Нравится" белгісін басыңыз

  

 

©2016-2018 Skifnews.kz. Авторлық және жарнама құқықтар толығымен сақталады.

    Яндекс.Метрика