$ 449.58  486.94  4.86

Даниал Ахметов жер-су атаулары жайында: «Ленин, Киров, Орджоникидзе, Дзержинский деген атауларға неліктен жабысып қалдық?»

Зырян ауданына жасаған іссапары барысында ШҚО әкімі Даниал Ахметов өңір орталығындағы көптеген көшелердің атаулары әлі де «қызарып» тұрағанын айтып, оларды өзгерту қажеттігін алға тартты деп жазады altaynews.kz.

Өңір басшысы кезінде өзі де коммунистік партия қатарында болғанын, алайда, өткен ғасырдың басындағы ауқымды саяси қуғын-сүргінге нақ осы «қызылдардың» кінәлі екенін атап көрсетті.

– Ленин, Киров, Орджоникидзе, Дзержинский деген секілді атауларға неліктен жабысып қалдық? Нақ осы «қайраткерлердің» кесірінен миллиондаған адамдар қырылды. Біз өскелең ұрпақты достыққа, тәуелсіздікке баулуымыз керек. Ендеше көшелерді Достық, Тәуелсіздік деп атайық. Бізге өз заманымыздың қаһармандарын дәріптеу қажет. Айталық, Сағадат Нұрмағамбетов осындай құрметке әбден лайық. Зырянның өзінен шыққан қаншама соғыс батырлары бар. Ұлыларымыз – Абай, Әуезов бар, Жамбыл бар, Лермонтов пен Пушкин бар. Қаншама даңқты жерлестеріміздің – жұмысшылар мен инженерлердің, мұғалімдер мен дәрігерлердің есімдері ескерусіз қалып жатыр. Осы бағытта жұмыс істейік, – деді Даниал Ахметов.

Зырян қаласы көшелерінің атаулары ауыстырыла бастады. Жуырда 28 көше өзгертілмек. Жергілікті қоғамдық кеңестің ұсынысына сәйкес Советская – Тәуелсіздік, Ленин – Астана болып өзгермекші.

Лениногорская – Шиелі, Комсомольская– Зыряннан шыққан Кеңес одағының батыры Павел Кольцов деп өзгертілуі ықтимал.

Канавная, Пролетарская, Ворошилов көшелері Бастау, Спорт, Еңбек көшелері атанбақ, Советская тұйық көшесі Көлеңкелі болып өзгермекші.

Ең бастысы, қаланың өз атауын ауыстыру мәселесі де қаралуда, кеншілер қалашығы бұдан былай Алтай атануы мүмкін.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары