13.11.2018, 16:50

Әлемдік державалар қайтып жаппай қарулануы мүмкін – Назарбаев

Мемлекет басшысы Нұрсұлтан Назарбаев Astana Club отырысында әлемдік державалардың қайтып жаппай қарулануы мен әскери конфронтацияның қаупі жайлы айтты деп жазады Tengrinews.kz.

Президенттің айтуынша, Қытай, Ресей және АҚШ елдерінің бәсекелестігі ұзақ уақыт бойы байқалмай келген.

«Постбиполярлық әлемдік тәртіп деген ұғым қалып барады. Бұған жаһандық ойыншылар мен жаһандық державалардың арасындағы бәсекелестік әсер етіп жатыр. Ресей, АҚШ және Қытай Халық Республикасы арасындағы геосаяси шиеленіс бүкіл Еуразия аумағында байқалып жатыр. Осы үш ел арасында үнемі қиын сәттер болатын. Ол мемлекеттердегі басқару деңгейі де соңғы жылдары төмендеп барады», – деді Президент. 

Оның айтуынша, осындай дағдарыс жағдайларындағы түсініспеушілік пен қателіктер әскери конфронтацияға алып келуі мүмкін.

«Енді ірі дағдарыстардың болуы әбден мүмкін. Ірі шиеленістердің пайда болуын тудыратын жағдайлар да көбейіп жатыр. (...) Зымырандарды жою бойынша жасалған келіссөздердің жағдайы қиындап барады. Енді стратегиялық шабуылдықаруландыруды қысқарту туралы келісімшартты ұзарту мәселесі бар. Ол заңның күші 2021 жылға дейін», – деп ескертті Мемлекет басшысы.

«Әлемдік державалар қайтып жаппай қарулануы мүмкін, адамзат өздерінің балаларының болашағы үшін және бүгінгі күні үшін уайымдап жатыр», – деді Назарбаев. 

Президент Astana Club отырысы аясында талқыланған мәселелердің бүкіл әлемге пайдасын тигізеді деген сенімде екенін айтты.

Telegram-каналға жазылып, бәрінен хабардар болыңыз!

Тағы да оқыңыздар:
Загрузка...

Error: No articles to display

SN туралы      Жарнама

      info.skifnews@gmail.com

«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.