$ 445.66 € 474.58 ₽ 4.78
Шымкентте белгісіз ер адам жаттығудан келе жатқан 9 жастағы қызды ешкім тұрмайтын үйге кіргізіп зорлаған. Полицейлер күдіктіні әлі ұстай алмады деп жазады Newtimes.kz.
Оқиға 5 қаңтар күні қыз баланың үйіне 30 метр қашықтықта болған. Журналист Марина Низовкина Facebook әлеуметтік желісіндегі парақшасында жаттығудан келе жатқан қызды ер адам ешкім тұрмайтын үйге кіргізіп, зорлағаны жайлы жазған.
Полицейлер қылмыскерді 3 күннен бері іздеп жатқанын айтады.
«2019 жылдың 5 қаңтарында К есімді Шымкент тұрғынынан қызының зорланғаны жайлы арыз түсті. Қазір тергеп тексеру амалдары жүргізіліп жатыр. Сот сараптамасы тағайындалды.
Істі Шымкент қалалық прокуратурасы мен полиция департаменті қадағалауға алды», – деп хабарлайды құқық қорғаушылар.
