Атырауда жаңа жыртысқан екі имам жұмыстан қуылды

13.06.2017, 16:46

Атырауда жаңа жыртысқан екі имам жұмыстан қуылды

Атырауда жаңа жыртысқан екі имам жұмыстан қуылды Көрнекі сурет

Қазақстан мұсылмандары діни басқармасы Атырау облысында ерегісіп, жаға жыртысуға дейін барған мешіттің бас имамы мен наиб-имамын қызметтерінен қуды. Олар дін қызметкерінің этикасын бұзды деп айыпталды. Бұл туралы мүфтияттың баспасөз қызметі хабарлап отыр.

«Атырау облысы Исатай ауданы Аққыстау ауылында орналасқан «Зинеден Құрасұлы» мешітінің бас имамы Құрметқали Бақтығұлов пен наиб имам Қанайбек Салиев дін қызметкерінің этикасын бұзғаны үшін жұмыстан босаталды. ҚМДБ-ның Атырау облысы бойынша өкілдігі аталған азаматтардың қызмет барысында сөз таластырып, келіспей қалғандығын анықтады», - делінген аталған хабарламада.

Қазақстан мұсылмандары діни басқармасының баспасөз қызметі бұқаралық ақпарат құралдары мен әлеуметтік желі қолданушыларын 2017 жылдың 22 мамырында болып кеткен оқиға туралы объективті ақпарат беруге шақырады.

Айта кетейік, бұған дейін бұл іс бойынша сот болып, наиб-имам кінәлі деп танылған еді. Ол көпшілік алдында имамнан кешірім сұрап, 10 АЕК көлемінде айыппұл төледі.

«Skifnews.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.

E-mail: info.skifnews@gmail.com

Сайтта жарнама орналастыру

   

Skifnews жаңалықтарын Facebook-те
оқу үшін "Нравится" белгісін басыңыз

  

 


©2016 Skifnews.kz. Авторлық және жарнама құқықтар толығымен сақталады.

DivideGroup — сайт әзірлеуші