$ 448.15  483.46  4.86

Тағы бір қытайлық ірі корпорация Ақмола облысында майлы дақылдар егуі мүмкін

Қытайлық ірі компания Ақмола облысының ауылшаруашылық саласына ірі көлемде инвестиция құймақшы. Бұл туралы облыс әкімі Мәлік Мырзалиннің Қытайдың ірі мемлекеттік инвестициялық корпорациясының өкілдерімен өткен кездесуінде айтылды деп хабарлайды әкімдіктің баспасөз қызметі.

Өткен жылы қараша айында Ақмола облысының делегациясы өңiр басшысының бастауымен Пекин қаласында өнеркәсiптiк және инвестициялық құрылымдарының өкiлдерiмен бiрқатар iскерлiк кездесулер өткiзген болатын. Бүгiн қытайдың Қазақстанмен көп жылдан берi жемiстi ынтымақтастық жасап келе жатқан «CITIC» халықаралық инвестициялық корпорациясының делегациясы жауапты сапармен келдi. Инвестиция тарту Қазақстанның сыртқы саясатының басым бағыттарының бiрi болып табылады. Қазақстан астығының 25 пайызын өндiретiн Ақмола облысы Қытайдың жетекшi компанияларының қызығушылығын тудырып отыр.

«CITIC» корпорациясының өкiлi Гэй Кайхуамен кездесуде облыс әкiмi мал шаруашылығын, өсiмдiк шаруашылығын, соның iшiнде майлы дақылдар өсiрудi және т.б. бұдан әрi дамыту мәселелерiн талқылады. Кездесудiң қорытындысы бойынша компания өңiрiмiздiң экономикасын инвестициялауға жоғары қызығушылығын бiлдiрдi.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары