Жаңалықтар. Қазақстанның жаңалықтары

Қазақстан, Қазақ, Жаңалықтар, Тіл, Қазақша, Қазақша жаңалықтар, Әдебиет, Телеарналар, Газеттер, Радиолар, Електронды бақ, Дін, Ақпарат, Билік , Хабар,Азаттық, Қаз ақпарат , жаңалықтар бүгінгі, жаңалықтар бүгінгі, жаңалықтар қазақстан, жаңалықтар 2015, жаңалықтар қазақша, бүгінгі жаңалықтар қазақша, қазақстан жаңалықтары, жаңалықтар кз, Қазақша жаңалықтар


26.05.2017, 08:55

ЭКСПО қарсаңында астаналық «бомждарды» көрші қалаларға көшіріп жатыр

Осыдан екі күн бұрын Астананың жергілікті полиция қызметі ЭКСПО қарсаңында тұрғылықты мекен-жайы жоқ азаматтарды ешқайда көшіріп жібергеніміз жоқ деп мәлімдеген еді. Алайда, тәртіп сақшыларының бұл мәлімдемесі шындыққа жанаспайтын секілді. Мәселен, КТК телеарнасы хабарлағандай, ондаған «бомжды» астаналық полицейлер Көкшетауға апарып тастаған. Тілшілерге сұхбат берген үйсіз азаматтар да өздерінің ЭКСПО қарсаңында қуылғандарын айтып отыр.

Телеарна тілшілері жаңа қалаға үйрене алмай жатқан астаналық «бомждар» туралы сюжет түсірген. Николай Сокол есімді қаңғыбастың айтуынша, оларды - 15 адамды автобусқа отырғызып, Көкшетауға әкеліп тастапты. Жергілікті тұрғындардың жақтырмауы өз алдына, жергілікті «бомждар» да нанымызға ортақтаспаңдар деп қабақ шытып отыр дейді ол.

Нұрлан Жанпейісов есімді азамат та үй-күйсіз, қаңғыбастардың қатарында. Оның айтуынша, 50 шақты адамды тәртіп сақшылары автобусқа отырғызып, Көкшетауға жеткізіп тастаған.

Көкшетауға қоныс аударған елордалық тұрақты мекен-жайы жоқ адамдардың көңіл-күйлері жоқ. Астанадағы «жілікті орындарынан» айрылғанына ашулы. Оның үстіне шақырылмаған қонақтарға жергілікті қаңғыбастар қыр көрсете бастаған. Тұрғындарда оларды мүсіркеп отырған жоқ.

Марфуға Жұматаева, Көкшетау қаласының тұрғыны: 

- Көкшетауға несін жібереді? Ұят қой. Көкшетау деген атқа лайықсыз іс. Көбейіп кетті ғой. Масқара.

Мекен-жайы өзгерген астаналық қаңғыбастар ЭКСПО өтетін жерге бармас едік деп ренжулі. Ал полицейлер үй-күйсіздерді бас қаладан қуып жатқан жоқпыз дейді. Керісінше, арнайы орталыққа жеткізіп, бас сауғалайтын жер тауып берген.

София Қылышбекова, Астана қалалық ІІД баспасөз хатшысы:

Орталыққа 300 астам тұрақты мекен жайы жоқ азамат жеткізілді. Олардың кім екені анықталғаннан кейін туыстарын іздейміз.  

Telegram-каналға жазылып, бәрінен хабардар болыңыз!

Тағы да оқыңыздар:
Загрузка...
SN туралы      Жарнама

      info.skifnews@gmail.com

«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.